Бібліятэка Полацкай езуіцкай акадэміі: Розніца паміж версіямі
[недагледжаная версія] | [недагледжаная версія] |
Змесціва выдалена Змесціва дададзена
Няма тлумачэння праўкі |
Зноскі. Удакладнілі аб'ёмы фондаў |
||
Радок 4:
== Гісторыя ==
Дакладная дата стварэння бібліятэкі невядомая. Можна меркаваць, што [[езуіты]] сталі актыўна папаўняць свае кніжныя калекцыі з часу адкрыцця Полацкага езуіцкага калегіума (1581 г.). Полацкая езуіцкая бібліятэка хутка павялічвалася з пачатку XVII ст. за кошт набыцця новых кніг і атрымання выданняў у дар ад відных дзяржаўных і грамадскіх дзеячаў свайго часу<ref>Суша, А.А. [http://old.nlb.by/press/upload/6267.pdf Развіццё бібліятэк навучальных устаноў Полацка ў XVI–XIX стагоддзях] / А. А. Суша // Веснік адукацыі. – 2012. – № 5. – С. 68.</ref>. Неаднаразова бібліятэка калегіума цярпела падчас ваенных дзеянняў і пажараў (1682, 1705, 1750 гг.)<ref>[http://repository.buk.by/bitstream/handle/123456789/3953/BIBLIOTEKA%20POLOCKIH%20%20IEZUITOV%20FAKTYI%2C%20SVEDENIYA%2C%20DOKUMENTYI.pdf?sequence=1&isAllowed=y Говорова Т.В. Библиотека полоцких иезуитов: факты сведения, документы. - С. 187.]</ref>.
[[File:Gabrijel Gruber.jpg|thumb|Генерал ордэна езуітаў [[Габрыэль Грубер]], пры якім бібліятэка найбольш актыўна развівалася]]
Кардынальна новымі былі ўмовы фарміравання бібліятэкі пасля 1772 г., калі пасля [[Першы падзел Рэчы Паспалітай|першага падзелу]] [[рэч Паспалітая|Рэчы Паспалітай]] усходняя частка Беларусі была далучана да [[Расійская імперыя|Расійскай імперыі]]. У ліку далучаных да Расіі гарадоў быў і [[Полацк]]. Праз год пасля гэтай падзеі, у 1773 г., дзейнасць ордэна езуітаў была забаронена рашэннем папы [[Клімент XIV (Папа Рымскі)|Клімента XIV]]. Аднак [[Кацярына II]] дадзенае забараніла агалошванне папскага [[брэвэ]] і фармальна езуіты атрымалі магчымасць не выконваць патрабаванне пантыфіка працягнулі сваю дзейнасць на тэрыторыі імперыі. Полацк пры гэтым фактычна стаў сусветнай сталіцай некалі магутнага, а цяпер апальнага [[Езуіты|Таварыства Ісуса]]. Пераезд у Полацк вялікай колькасці высокаадукаваных прадстаўнікоў ордэна з Францыі, Італіі, Галандыі і іншых краін суправаджаўся перамяшчэннем сюды іх кніжных збораў. У 1787 г. у інвентары кніг бібліятэкі Полацкага езуіцкага калегіума былі пазначаны кнігі 5576 аўтараў, пад імёнамі асобных з іх значылася да 50 выданняў<ref>Суша, А.А. [http://old.nlb.by/press/upload/6267.pdf Развіццё бібліятэк навучальных устаноў Полацка ў XVI–XIX стагоддзях] / А. А. Суша // Веснік адукацыі. – 2012. – № 5. – С. 69.</ref>. Галоўным чынам, гэта былі польскамоўныя выданні. З 1812 г., калі калегіум атрымаў універсітэцкі статус, сярод іншых прывілеяў, дараваных Полацкай акадэміі, быў атрыманы дазвол на ўвоз кніг з-за межаў імперыі: ''"Академия может беспрепятственно выписывать из чужих краев, как морем, так и сухим путем, все нужные инструменты и книги..."'' Прычым, езуіцкая бібліятэка з'яўлялася своеасаблівым цэнтрам размеркавання літаратуры. Частка кніг, якія паступалі ў Полацк, адпраўляліся ў іншыя калегіумы, а таксама ў езуіцкія місіі<ref>[http://repository.buk.by/bitstream/handle/123456789/3953/BIBLIOTEKA%20POLOCKIH%20%20IEZUITOV%20FAKTYI%2C%20SVEDENIYA%2C%20DOKUMENTYI.pdf?sequence=1&isAllowed=y Говорова Т.В. Библиотека полоцких иезуитов: факты сведения, документы. - С. 188.]</ref>.
== Зборы ==
Багаццем і разнастайнасцю бібліятэкі былі ўражаны многія яе наведвальнікі, у тым ліку і імператар [[Аляксандр I, імператар расійскі|Аляксандр І]]. На завяршальным этапе існавання (напярэдадні выгнання езуітаў з Расійскай імперыі ў 1820 г.) бібліятэка Полацкага езуіцкага калегіума складалася з Галоўнай бібліятэкі (кнігі на еўрапейскіх і ўсходніх мовах – каля 30 тыс. тамоў), Польскай бібліятэкі (выдзелена з Галоўнай у 1817 г. і налічвала больш 10 тысяч тамоў), Студэнцкай бібліятэкі, бібліятэкі клерыкаў, бібліятэкі акадэмічнай канцылярыі, бібліятэкі крамы, бібліятэкі друкарні, бібліятэкі музычнай бурсы (548 нот розных твораў) і бібліятэкі касцёла, меўся таксама шэраг падручных бібліятэк у вучэбных памяшканнях і на руках у выкладчыкаў<ref>Суша, А.А. [http://old.nlb.by/press/upload/6267.pdf Развіццё бібліятэк навучальных устаноў Полацка ў XVI–XIX стагоддзях] / А. А. Суша // Веснік адукацыі. – 2012. – № 5. – С. 70.</ref>. Паводле правіл забаранялася блытаць кнігі паміж гэтымі бібліятэкамі. Ёсць звесткі, што напярэдадні закрыцця акадэміі яе
Вялікую частку збору складалі заходнееўрапейскія выданні па філасофіі, тэалогіі, кананічнаму і грамадзянскаму праву, царкоўнай і свецкай гісторыі, мовазнаўству, мастацтвазнаўству, ваенным, медыцынскім, матэматычным, тэхнічным, натуральным і іншым дысцыплінам, энцыклапедычныя, даведачныя, літаратурныя (асабліва працы класікаў) і мастацкія выданні, багатая перыёдыка. Для патрэб школьнага тэатра пры калегіуме збіраліся выданні твораў еўрапейскіх драматургаў. Асноўным спосабам папаўнення фондаў бібліятэкі Полацкага езуіцкага калегіума з’яўлялася набыццё новай літаратуры, атрыманне абавязковага асобніка з езуіцкіх друкарань Беларусі, перадача выданняў у дар (як свецкімі асобамі, так і прадстаўнікамі ордэна). [[Полацкая езуіцкая друкарня]], што дзейнічала ў 1787–1820 гг., выпускала шмат навучальных і навуковых выданняў (было надрукавана больш 500 найменняў кніг), якія ў абавязковым парадку паступалі ў фонды бібліятэкі калегіума. У бібліятэцы полацкіх езуітаў захоўваліся таксама выданні каталіцкіх, пратэстанцкіх, праваслаўных і ўніяцкіх друкарань Беларусі. Да таго ж у бібліятэцы захоўвалася вялікая колькасць рукапісных кніг.
== Арганізацыя працы ==
Радок 24:
[[File:Catholic Church of St. Stephen in Polacak, N. Orda.jpg|thumb|Будынак колішняй акадэміі і касцёла на малюнку [[Напалеон Орда|Напалеона Орды]]]]
Пасля рашэння аб прымусовым закрыцці акадэміі ў [[1820]] г. яе бібліятэка была часткова разрабаваная: “Наступіла сапраўднае рабаванне. На працягу некалькіх дзён бібліятэку без літасці расцягнулі. Рэдкія і дарагія кнігі прадаваліся за некалькі грошаў. Нават паліцыя дапамагала гэтаму раскраданню. Рабаванне было спынена камісіяй, прызначанай для прыняцця касцёла, бібліятэкі, рухомай і нерухомай маёмасці”. Праз месяц пасля выдання царскага дэкрэту аб выгнанні езуітаў зборы Галоўнай бібліятэкі скарацілася да 13490 тамоў, Польскай – да 2434 (або 2436), Студэнцкай – да 3708, а ўсіх бібліятэк разам – да 23563 кніг, што азначае скарачэнне больш як у два разы<ref>Суша, А.А. [http://old.nlb.by/press/upload/6267.pdf Развіццё бібліятэк навучальных устаноў Полацка ў XVI–XIX стагоддзях] / А. А. Суша // Веснік адукацыі. – 2012. – № 5. – С. 71.</ref>. Рэшткі акадэмічнай бібліятэкі ў [[1822]] г. былі перададзены полацкім піярам, якія ў [[1822]]–[[1830]] гг. у будынках колішняй акадэміі ўтрымлівалі сваю вышэйшую вучэльню. Аднак у хуткім часе і гэта вучэльня была зачынена, бо не адпавядала духу рэформ, якія праводзіліся [[Мікалай I, імператар расійскі|Мікалаем I]] па распаўсюджванні праваслаўя і нейтралізацыі заходняга ўплыву ў [[Беларусь|Беларусі]].
Пасля вывучэння і разбору бібліятэкі адмыслова прызначанай у [[1830]] г. камісіяй асноўная і найбольш каштоўная частка збору полацкіх езуітаў і піяраў была размеркаваная паміж буйнейшымі публічнымі бібліятэкамі і навучальнымі ўстановамі [[Масква|Масквы]] і [[Санкт-Пецярбург|Пецярбурга]], а невялікая частка перададзена “беларускім гімназіям”. Створанаму ў [[1835]] г. [[Полацкі кадэцкі корпус|Полацкаму кадэцкаму корпусу]] пакінулі толькі 2080 кніг (1477 тытулаў) па ваеннай справе, матэматычных і прыродазнаўчых навуках.
Радок 40:
* [[Алесь Суша|Суша]], А.А. Станаўленне бібліятэк навучальных устаноў Полацка ў XVI–XIX стст. / А.А.Суша // Беларуская кніга ў кантэксце сусветнай кніжнай культуры: гісторыя і сучаснасць : зборнік навуковых прац. Мн., 2011. Вып.3. С.257–272.
* Суша, А.А. Библиотеки полоцких учебных заведений – центры культурной жизни Беларуси в ХVI–ХIХ веках / А.А.Суша // Библиотека в контексте истории. Москва, 2011. С. 79–89.
*Суша, А.А. [http://old.nlb.by/press/upload/6267.pdf Развіццё бібліятэк навучальных устаноў Полацка ў XVI–XIX стагоддзях] / А. А. Суша // Веснік адукацыі. – 2012. – № 5. – С. 67–72.
*Шайкоў, В. Да пытання аб езуіцкай біблітэкі ў Полацку / В.Шайкоў // Беларускі гістарычны часопіс. -2003. - № 4. - С. 54-55.
|