Берагавы (археалагічныя помнікі): Розніца паміж версіямі

'''Берагавы'''  — археалагічныя помнікі: паселішчы каля пас. [[Берагавы]] ([[Гродзенскі раён]]).

Помнікі лакалізаваны і абследаваны [[Віктар Сцяпанавіч Абухоўскі|В.  С.  Абухоўскім]] і [[Вадзім Леанідавіч Лакіза|В.  Л.  Лакізам]] у [[1999]] годзе і ў час абследавання зоны будаўніцтва [[Гродзенская ГЭС|Гродзенскай ГЭС]] у [[2003]] годзе. У [[2008]] годзе даследаваў В.  Л.  Лакіза.

Знаходзіцца за 0,5—1  км на поўдзень ад пасёлка, на надпоймавай правабярэжнай тэрасе р. [[Нёман]], вышыня 5—6  м. Пляцоўка пераразаецца некалькімі глыбокімі ярамі, якія ўтвараюць адасобленыя ўчасткі (А, Б, В). Было закладзена 5 раскопаў плошчай 300 м²². Датуецца фінальным палеалітам, мезалітам, неалітам, сярэдневякоўем.

Выяўлены 15 гаспадарчых і слупавых ям, рэшткі вошнішчаў. Знойдзена звыш 4 тыс. артэфактаў: крамянёвыя нуклеусы, нажы, [[Скрабок|скрабкі]], праколкі, вастрыі, наканечнікі стрэл, фрагменты ляпной [[неаліт]]ычнай керамікі, абломкі кругавога посуду сярэдневякоўя, жалезныя нажы, вырабы з каляровага металу, астэалагічны матэрыял.

Знаходзіцца за 1,3—1,5  км на поўдзень ад пасёлка, 0,2—0,3  км на поўдзень ад паселішча—1, на надпоймавай праввабярэжнай тэрасе р. Нёман, вышыня над узроўнем вады 3—8  м. Пляцоўка памерамі 200—210х30х50  м выцягнута з паўночнага захаду на паўднёвы ўсход, абмежавана на поўдні вялікім ярам з ручаём. Невялікія яры дзеляць помнік на некалькі адасобленых участкаў (А, Б, В). Былі закладзены 2 раскопы і 3 шурфы плошчай 118 м²².

Культурны пласт на ўчастках А і В не захаваўся. Знойдзена каля 100 артэфактаў: 2 нуклеусы, скрабок, рэтушаваныя пласціна і адшчэп. Участак Б знаходзіцца на высокім узроўні тэрасы. Культурны пласт перакрыты дэлювіяльнымі адкладамі магутнасцю 0,4—0,6  м. На глыбіні 0,65—0,75  м знойдзены крамянёвыя вырабы, сярод якіх скобла-разец, фрагменты керамікі з мінеральнымі дамешкамі. У 2009 годзе заходняя частка помніка (участкі А і В) разбураны пры будаўніцтве дарогі і моста цераз р. Нёман. На ўчастку Б, пасля правядзення раскопак у 2010 годзе, пабудавана апора моста.

* Археалагічнае абследаванне ўзбярэжжаў Нёмана ў зоне будаўніцтва Гродзенскай ГЭС / Віктар Абухоўскі, Алена Калечыц, Вадзім Лакіза, Максім Чарняўскі, Міхал Чарняўскі // Гістарычна-археалагічны зборнік.  — 2004.  — №  19.  — С. 272 — 273272—273.

* Лакіза, В.  Л.  Берагавы / В.  Л.  Лакіза // Археалогія Беларусі: энцыклапедыя: у 2 т. / [склад. Ю.  У.  Каласоўскі; рэдкалегія: Т.  У.  Бялова (гал. рэд.) і інш.]. Т. 1: А ― К.  — Мн.: Беларуская Энцыклапедыя імя П. Броўкі, 2009.  — 492, [1] c.  — С. 100—101.  — ISBN 978-985-11-0353-5.