'''Лікург''' ({{lang-el|Λυκοΰργος}}) — легендарны [[Спарта|спартанскіспарта]]нскі заканадавец [[9 ст. да н.э.|9]]—[[8 ст. да н.э.]], з імем якога спартанцы звязвалі свае асноўныя і найбольш старажытныя законы і звычаі. Грэчаскія аўтары [[5 ст. да н.э.|5]]—[[4 ст. да н.э.]] ([[Плутарх]]) прыпісвалі яму стварэнне асноўных інстытутаў спартанскага грамадства і дзяржаўнага ладу, сапраўднае афармленне якіх было вынікам доўгага пераходу ад першабытнага ладу да класавага грамадства ва ўмовах сацыяльнай барацьбы. Паводле распаўсюджанай версіі падання, Лікург, будучы дзядзькам і апекуном маладога спартанскага цара, фактычна кіраваў Спартай, увёў запазычаныя на [[востраў Крыт|востраве Крыт]] законы, якія быццам бы прадвызначылі эканамічны і палітычны лад Спарты.
