Ігар Аляксандравіч Гапонаў

Ігар Аляксандравіч Гапонаў (3 ліпеня 1935, Калуга) — беларускі архітэктар.

Ігар Аляксандравіч Гапонаў
Дата нараджэння	3 ліпеня 1935(1935-07-03) (88 гадоў)
Месца нараджэння	Калуга, Маскоўская вобласць, РСФСР, СССР
Альма-матар	БПІ (1958)
Месца працы	Магілёўская абласная праектная кантора «Аблпраект» Камітэт па архітэктуры і будаўніцтве Магілёўскага аблвыканкама[d]
Партыя	КПСС
Член у	Саюз архітэктараў СССР Беларускі саюз архітэктараў
Узнагароды	Грамата Прэзідыума Вярхоўнага Савета БССР (1969)

Біяграфія

Скончыў Беларускі політэхнічны інстытут у 1958 годзе. Працаваў у Магілёўскім будтрэсце, кіраўніком групы архітэктараў, галоўным інжынерам праектаў, намеснікам галоўнага інжынера Магілёўскага аблпраекта, намеснікам старшыні Магілёўскага гарвыканкама, з 1964 па 1985 г. — начальнікам Упраўлення па будаўніцтве і архітэктуры Магілёўскага аблвыканкама.

Член Саюза архітэктараў СССР з 1975 года. Заслужаны будаўнік БССР (1976). Член КПСС з 1962 года. Пражывае ў г. Магілёве.

Творчасць

Удзельнічаў у стварэнні праекта помніка ахвярам фашызму на Лупалаўскіх могілках (1976).

Аўтар артыкулаў у БелСЭ па сучаснай архітэктуры гарадоў Магілёўскай вобласці.

Узнагароды

Узнагароджаны медалямі. Ганаровай граматай (1973) і Граматай (1969) Прэзідыума Вярхоўнага Савета БССР, трыма бронзавымі і сярэбранай медалямі ВДНГ СССР (1970, 1976, 1980, 1984).

Літаратура

• Гапонов Игорь Александрович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)