Аперацыя «Альберт I»: Розніца паміж версіямі

'''«Альберт I»''' ({{lang-de|Operation «Albert I»}}) — кодавая назва карнай антыпартызанскай аперацыі супраць [[Партызанская брыгада імя К. Я. Варашылава|партызанскай брыгады імя К. Я. Варашылава]] ўва [[Уздзенскі раён|Уздзенскім]] і [[Капыльскі раён|Капыльскім раёнах]] [[БССР|Беларускай ССР]] [[7 лістапада]] [[1942]] г.

[[5 лістапада]] нямецкія войскі выйшлі на далёкія подступы да Старыцкага лесу з боку [[Слуцк]]а, [[Грэск]]а, [[Узда|Узды]] і [[Капыль|Капыля]]. [[7 лістапада]] матарызаваныя групы занялі в. [[Заполле (Капыльскі раён)|Заполле]], [[Свідзічы]], [[Русакі (Капыльскі раён)|Русакі]], закрыўшы партызанам шляхі адыходу ў заходнім напрамку. З усходу і поўдня ў напрамку в. Ліневічы наступалі галоўныя нямецкія сілы, якія імкнуліся рассячы сілы партызан, акружыць і знішчыць іх па частках. Раніцай яны [[Бой у Старыцкім лесе|атакавалі Старыцкі лес]] з поўдня. Партызаны-артылерысты падбілі галоўны танк, падпалілі другі, дэсант збілі з брані і расстралялі, адбілі 3 нямецкія атакі. З Вялешынскага лесу па нямецкіх сілах з тылу ўдарыў атрад імя Катоўскага. На ўсходнім ўзлеску нямецкія сілы былі затрыманы партызанамі атрада імя Чапаева. Яны адбілі больш за 10 нямецкіх атак, двойчы самі пераходзілі ў контратакі. Да зыходу дня ў партызан скончыліся боепрыпасы і па загаду штаба брыгады яны адышлі ў Вялешынскі лес.