Эмі Адамс

Эмі Лу Адамс (англ.: Amy Lou Adams; нар. 20 жніўня 1974, Вічэнца, Італія) — амерыканская актрыса і спявачка, шасціразовая намінантка на прэмію «Оскар». Уладальніца двух прэмій «Залаты глобус» за галоўную ролю ў трагікамедыі «Афера па-амерыканску» (2013) і за галоўную ролю ў драме «Вялікія вочы» (2014).

Эмі Адамс
англ.: Amy Adams
Імя пры нараджэнні	англ.: Amy Lou Adams
Род дзейнасці	кінаактрыса, спявачка, танцоўшчыца, тэлеактрыса, тэатральная актрыса, акцёрка, актрыса агучвання
Дата нараджэння	20 жніўня 1974(1974-08-20)[…] (49 гадоў)
Месца нараджэння	Авіяна[d], regional decentralization entity of Pordenone[d], Фрыулі-Венецыя-Джулія, Італія
Грамадзянства	ЗША  Італія
Бацька	Richard Kent Adams[d]
Муж	Darren Le Gallo[d]
Альма-матар	Douglas County High School[d]
Узнагароды і прэміі	Прэмія «Залаты глобус» за найлепшую жаночую ролю — камедыя ці мюзікл[d] (2014) Незалежны дух[d] (2006) Прэмія Гільдыі кінаакцёраў ЗША (2014) зорка на галівудскай «Алеі славы» (11 студзеня 2017)
Медыяфайлы на Вікісховішчы

Акцёрскую кар’еру пачала з выступленняў у розных тэатрах, якія ставяць мюзіклы і лёгкія камедыі, а яе дэбют на вялікім экране адбыўся ў 1999 годзе ў чорнай камедыі «Забойныя красуні». Пасля некалькіх эпізадычных з’яўленняў у тэлесерыялах і роляў у фільмах катэгорыі «Б», Адамс была ўзятая на ролю Брэнды Стронг у фільме 2002 года «Злаві мяне, калі зможаш». Аднак сапраўдную вядомасць і мноства хвалебных водгукаў кінакрытыкаў ёй прынесла роля Эшлі Джонстэн у незалежным фільме 2005 года «Чэрвеньскі жук», за гульню ў якім яна была ўдастоена намінацыі на прэмію амерыканскай Акадэміі кінематаграфічных мастацтваў і навук «Оскар» у катэгорыі Лепшая жаночая роля другога плана.