Святы Хрыстафор: Розніца паміж версіямі

'''Святы́ Хрыстафо́р''' ('''Крыштоф''', '''Крыштаф''') — святы мучанік, ушанаваны заходняй [[каталіцкая царква|каталіцкай]] і [[праваслаўная царква|праваслаўнай цэрквамі]]. Імя да хрышчэння  — '''Рэпрэў'''.

Жыў у [[3 стагоддзе|3 стагоддзі]] і пацярпеў за распаўсюджванне [[хрысціянства]] ў [[Лікія|Лікіі]] каля [[250]] года, пры рымскім імператары [[Дэцый Траян|Дэцыі Траяне]] ([[249]] – —[[251]]). Па паданні быў высокага росту, незвычайнай сілы і з зверападобным тварам. На абразах і [[фрэска]]х паказваўся з ваўчынай або сабачай галавой. Імя («Нясучы [[Ісус Хрыстос|Хрыста]]») і іканаграфія, якая паказвае Хрыстафора волатам, нясучым праз струмень бласлаўляючага [[немаўля]], матывуецца адной з легенд. Паводле ёй, волат неймавернай сілы згодзен быў служыць самому магутнаму зямному ўладару, але не мог знайсці годнага. Пасяліўшыся на беразе ракі, на плячах пераносіў падарожнікаў на іншы бераг. Аднойчы яго папрасіў перанесці праз раку маленькі хлопчык. Пасярод ракі хлопчык стаў настолькі цяжкі, што Хрыстафор спалохаўся, як бы яны абодва не патанулі. Хлопчык сказаў яму, што ён  — Хрыстос і нясе з сабою ўвесь цяжару свету.

Дзень памяці мучаніка Хрыстафора ў праваслаўным календары [[9 мая|9]] ([[22 мая|22]]) [[май|мая]], у каталіцкім календары [[24 ліпеня]] ([[Германія]], [[Літва]]), [[25 ліпеня]] ([[Італія]]), у евангелічным  — [[24 ліпеня]]. Асабліва паважаецца ў [[Іспанія|Іспаніі]], дзе да яго малітвамі звяртаюцца пры заразных хваробах. Лічыцца апекуном вандроўнікаў. Апякун [[Вільня|Вільні]], яго выява на [[герб]]е горада.