Кіеўскі спуск (Гомель): Розніца паміж версіямі

Кіеўскі спуск з’яўляецца фрагментам [[Яр|яра]], утворанага адной ці некалькімі рэчкамі, якія бралі свой пачатак з возера [[Ледавік|ледавіковага]] паходжання, вядомага ў ХІХ — сярэдзіне ХХ ст. як [[Гарэлае Балота|Гарэлае балота]] (знаходзілася ў раёне цяперашняга чыгуначнага вакзала). Гістарычныя назвы яра не захаваліся. У адной з прац [[Еўдакім Раманавіч Раманаў|Еўдакім Раманаў]] называў яго ''«пароходным рвом»''<ref>Романов, Е. Археологический очерк Гомельского уезда / Е. Романов // Записки Северо-Западного отдела Императорского Русского географического общества. — Вильна : тип. А. Г. Сыркина, 1910. — Кн. 1. — С. 110.</ref>, бо спуск вёў да параходных прыстаней. Сталая назва, якая замацавалася за ім у пачатку ХХ ст. — Саборны спуск — узнікла з прычыны блізкасці да [[Петрапаўлаўскі сабор (Гомель)|Петрапаўлаўскага сабора]]. У 1923 г. на хвалі савецкіх перайменаванняў яна была зменена на цяперашнюю<ref>Гомель и городские поселения Гомельщины: Предварит. итоги переписи 1926 г. и некоторые данные текущ. отчетов и обследований. — Речица, 1927. — С. 38.</ref>: кіеўскі кірунак быў адным з папулярных для тагачаснага суднаходства па р. Сож. У перыяд нацысцкай акупацыі (1941-1943 гг.) Кіеўскі спуск пазначаўся захопнкамі як ''"Hafenstr(aße)."'', г.зн. "Партовая вуліца" або "вуліца Прыстаней"<ref>Гл. адпаведную [[c:File:Homiel._Гомель_(1943).jpg|нямецкую карту 1943 г.]]: Малікаў Я., Панкоў Ю. Тапаніміка Гомеля пад час нацысцкай акупацыі // Беларускі гістарычны часопіс. №7, 2020.</ref>.