'''Ту́льгавіцкі сельсавет''' — былая адміністрацыйна-тэрытарыяльная адзінка ў складзе [[Хойніцкі раён|Хойніцкага раёна]] [[Гомельская вобласць|Гомельскай вобласці]]. Цэнтр — вёска [[Тульгавічы]].
Пасля [[Узбуйненне БССР#Другое ўзбуйненне БССР|другога ўзбуйнення]] [[БССР]] з 8 снежня 1926 года сельсавет у складзе [[Юравіцкі раён|Юравіцкага раёна]] [[Рэчыцкая акруга|Рэчыцкай акругі]] [[БССР]]. З 9 чэрвеня 1927 года ў складзе [[Мазырская акруга|Мазырскай акругі]]. 2710 лістапада 1927 года сельсавет узбуйнены, у яго склад увайшла тэрыторыя скасаванага [[Ломышскі сельсавет|Ломышскага сельсавета]]. Пасля скасавання акруговага падзелу 26 ліпеня 1930 года ў складзе Юравіцкага раёна БССР. З 8 ліпеня 1931 года ў складзе Хойніцкага раёна. З 20 лютага 1938 года ў складзе [[Палеская вобласць|Палескай вобласці]], з 8 студзеня 1954 года — у складзе Гомельскай вобласці. 8 студзеня 1987 года да сельсавета далучана тэрыторыя скасаванага [[Кажушкаўскі сельсавет|Кажушкаўскага сельсавета]] (4 населеныя пункты: вёскі [[Кажушкі (Хойніцкі раён)|Кажушкі]], [[Навакухнаўшчына]], [[Новапакроўск]], [[Слабада (Хойніцкі раён)|Слабада]])<ref>Рашэнне выканкома Гомельскага абласнога Савета народных дэпутатаў ад 8 студзеня 1987 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1987, № 23 (1901).</ref>. 28 лістапада 1991 года скасаваны, тэрыторыя далучана да [[Дварышчанскі сельсавет (Хойніцкі раён)|Дварышчанскага сельсавета]].
