Мемарыяльны комплекс у гонар воінаў-вызваліцеляў, партызан і падпольшчыкаў Віцебшчыны: Розніца паміж версіямі

'''Мемарыяльны комплекс у гонар воінаў-вызваліцеляў, партызан і падпольшчыкаў Віцебшчыны''' — помнік у [[Віцебск]]у, размешчаны на [[Плошча Перамогі (Мінск)|плошчы Перамогі]]. Кампазіцыйны цэнтр плошчы. Аўтары помніка — архітэктар [[Ю. Шпіт]], скульптары [[Б. Маркаў]] і [[Я. Печкін]]. Створаны ў 1974 годзе.

Уключае плошчу мемарыяла, 2 басейны, 10 [[пілон (архітэктура)|пілонаў]], галоўны манумент. Выкарыстаны бетон з [[мармур]]овай крошкай, [[лабрадарыт]], чырвоны і шэры [[граніт]], [[бронза]], [[чыгун]]. Плошча мемарыяла знаходзіцца ніжэй за агульны ўзровень [[Плошча Перамогі (Мінск)|плошчы Перамогі]] (да яе вядуць 14 прыступак) і мае форму выцягнутага прамавугольніка. Да галоўнага манумента пракладзена дарога паміж 2 доўгімі басейнамі, з вонкавых бакоў якіх пастаўлена па 5 прамавугольных пілонаў, на кожным з іх даты аднаго з 5 гадоў [[Вялікая Айчынная вайна|Вялікай Айчыннай вайны]]. Над ракой па цэнтральнай восі мемарыяла ўзвышаецца галоўны манумент, які сімвалізуе сумесныя дзеянні [[Чырвоная Армія|Чырвонай Арміі]], [[Партызанскі рух у Беларусі|партызан]] і падпольшчыкаў у вызваленні Віцебшчыны ад нямецка-фашысцкіх захопнікаў.

Манумент — 3 трапецападобныя [[пілон]]ы-[[абеліск]]і вышынёй 56  м, рэзка звужаныя ўверсе і аб’яднаныя па вышыні 5 м трохгранным маналітным [[Фрыз (архітэктура)|фрызам]], па гранях якога [[Рэльеф (скульптура)|рэльефы]] «Воіны», «Партызаны», «Падпольшчыкі». Пасярэдзіне пілоны-абеліскі злучаны кальцом, завершаны паўсферай з адтулінай уверсе, на кальцы — надпіс «Слава героям». Унізе, на невысокім [[подыум]]е, запалены [[Вечны агонь]]. Да [[Заходняя Дзвіна|Заходняй ДзвінДзвіны]]ы ад манумента вядуць 3 шматступепьчатыя [[лесвіца|лесвіцлесвіцы]]ы. Манумент штучна падсвечваецца. Плошча мемарыяла акаймавана [[газон]]амі.

Комплекс  — адзін з цікавых мемарыяльных ансамбляў рэспублікі, вылучаецца яснасцю і дакладнасцю кампазіцыйнай пабудовы, прапарцыянальнай гармоніяй аб’ёмаў.