Беларуская моладзь (гурток): Розніца паміж версіямі

'''«Беларуская моладзь»''' — гурток нацыянальна свядомай, пераважна студэнцкай моладзі ў [[Мінск]]у. Існаваў з восені [[1920]] да лістапада [[1922]]. Зарэгістраваны ў [[Народны камісарыят асветы БССР|Наркамаце асветы БССР]].

Месціўся ў памяшканні былога клуба [[Беларуская хатка, Мінск|«Беларуская хатка»]], тут пад эгідай гуртка працаваў «Клуб беларускай моладзі — Беларуская хатка». Задачы: пашыраць нацыянальную свядомасць сярод моладзі і грамадства, дапамагаць увядзенню беларускай мовы ў школах і грамадскіх установах, выхоўваць сяброў гуртка ў нацыянальным духу.

У клубе працавалі секцыі: тэатральная (кіраўнік А. Ляжневіч, Цэрах, [[Усевалад Сцяпанавіч Фальскі|У. Фальскі]]), літаратурная (кіраўнік [[Я. Колас]]), мастацкая (Юдовіч), музычная (Скальская), танцавальная ([[Часлаў Іванавіч Родзевіч|Ч. Родзевіч]]). 3 гуртком супрацоўнічалі [[Я. Купала|Я. Купала]], [[Я. Лёсік]], [[Зміцер Жылуновіч|Ц. Гартны]], [[Уладзімір Васілевіч Тэраўскі|У. Тэраўскі]]. Сябры гуртка бралі ўдзел у агульна-гарадскіх нацыянальна-культурных мерапрыемствах, падтрымлівалі сувязі с арганізацыямі беларускай моладзі ў [[Віцебск]]у, [[Горад Горкі|Горы-Горках]], [[Магілёў|Магілёве]], [[Слуцк]]у, [[Масква|Маскве]] і інш. Планавалася выданне маладзёжнага часопіса і скліканне агульнабеларускага з'езда беспартыйнай моладзі.

Сябры гуртка і клуба праводзілі культурныя мерапрыемствы, заснавалі беларускі хор (кіраўнік Тэраўскі). [[30 ліпеня]] [[1921]] на базе клуба створана культурна-асветная арганізацыя «Хата беларускага мастацтва», якая, аднак, самастойна не працавала. Дзейнасць гуртка і клуба рэзка крытыкавалася савецкімі партыйнымі і камсамольскімі органамі. Пасля рэквізіцыі ўладамі ў канцы 1922 памяшкання хаткі дзейнасць перанесена ў [[БДУ]], гурток рэарганізаваны ва Усебеларускае студэнцкае аб'яднанне БДУ.

Пасля скасавання аб'яднання ў пачатку [[1923]] гурток аднавіў працу як Беларускі гурток вывучэння анархізму (зарэгістраваны ў БДУ), правёў некалькі сходаў і дыскусій. Вясной 1923 пасля ўмяшання ЦК [[Камуністычная партыя Беларусі|КП(б)Б]] рэгістрацыя гуртка скасавана. Магчымасці стварэння легальнай арганізацыі беларускай моладзі былі вычарпаны. Сябры гурткоў уключыліся ў работу легальных студэнцкіх прафсаюзных і навуковых арганізацый.