37-я Ельская партызанская брыгада: Розніца паміж версіямі
Новая старонка: '{{Вайсковае фарміраванне |назва = 37-я Ельская партызанская брыгада |гады = 1943...' |
(Няма розніцы)
|
Версія ад 19:31, 24 студзеня 2021
37-я Ельская партызанская брыгада — партызанская брыгада, створаная 1 ліпеня 1943 года на базе Ельскага атрада, арганізаванага ў лютым 1943 года, пры фарміраванні брыгады быў разбуйнены на чатыры атрады. Дзейнічала на акупіраванай тэрыторыі Ельскага, Лельчыцкага, Тураўскага, Мазырскага і іншых раёнаў. 21 лістапада, 19 снежня 1943 года, 11 студзеня 1944 года брыгада (755 партызан, чатыры атрады), паатрадна злучылася з Чырвонай Арміяй.
| 37-я Ельская партызанская брыгада | |
|---|---|
| Гады існавання | 1943—1944 |
| Краіна |
 СССР Беларуская ССР |
| Падпарадкаванне | Беларускі штаб партызанскага руху |
| Уваходзіць у | Паўднёва-Прыпяцкае партызанскае злучэнне |
| Тып | партызаны |
| Функцыя | змаганне з акупантамі |
| Колькасць | 755 партызан |
| Дыслакацыя | Ельскі, Лельчыцкі, Тураўскі, Мазырскі і іншыя раёны |
| Войны |
Другая сусветная вайна Вялікая Айчынная вайна |
| Удзел у | |
| Камандзіры | |
| Вядомыя камандзіры | Антон Сцяпанавіч Мішчанка |
Склад
- партызанскі атрад «Бальшавік»;
- партызанскі атрад імя В. І. Чапаева;
- партызанскі атрад «За Радзіму»;
- партызанскі атрад «Смерць фашызму».
Камандаванне
Камандзір
- Антон Сцяпанавіч Мішчанка
Камісар
- Яроній Аляксеевіч Татараў;
- Іван Паўлавіч Пастухоў
Начальнік штаба
- Сцяпан Іванавіч Міксюк
Гісторыя
Баявыя аперацыі партызаны праводзілі на чыгунках, шашэйных і грунтавых дарогах. Найбольш значнымі з іх былі засадныя баі 12 жніўня, 14 лістапада 1942 года, 30 сакавіка 1943 года на дарогах Скароднае — Валаўская Рудня, Оўруч — Ельск. Некалькі баёў правялі разам з украінскімі партызанскімі атрадамі злучэння С. А. Каўпака, у тым ліку бой у снежні 1942 года каля вёскі Глушкавічы Лельчыцкага раёна. У верасні 1943 года партызаны ўдзельнічалі ў аперацыі «рэйкавая вайна» на чыгуначным участку Багуцічы — Ельск. Разам з часцямі Чырвонай Арміі вялі баі за вызваленне гарадскога пасёлка Ельск (Ельская аперацыя).
Памяць
У 1970 годзе ў вёсцы Зашыр’е Ельскага раёна ў гонар брыгады была ўстаноўлена мемарыяльная дошка.
Літаратура
- Беларусь у Вялікай Айчыннай вайне, 1941—1945: Энцыкл. / Рэкал.:І. П. Шамякін (гал. рэд.) і інш.. — Мн.: БелСЭ, 1990. — 680 с. — 20 000 экз. — ISBN 5-85700-012-2.