У свой час, А. Кіркор пісаў, што ''Расціслаў Рагвалодавіч'' з 1070-х гадоў быў князем у Вільні, т.-б.то бок атрымаў ад Усяслава Полацкага ва ўдзел [[Віленскае княства]]<ref>Kirkor… S. 4.</ref>, але крыніц звестак не пазначыў. Напэўна, А. Кіркор так асэнсаваў звесткі Васкрасенскага летапісу, а дату вызначыў самастойна, бо ў «Жывапіснай Расіі» ён выводзіць генеалогію Гедзімінавічаў ад Расціслава Рагвалодавіча, якога назвае сынам Рагвалода-Васіля Барысавіча<ref>Живописная Россия. Т. 3. — Ч. 1: Литовское Полесье. Ч. 2. Белорусское Полесье. — 1882.</ref>. Слушнасць гэтых звестак сумнеўная, бо ў 1070-я гады сам РагвавалодРагвалод-Васіль яшчэ не нарадзіўся. Таксама і Расціслаў Усяславіч, калі і жыў ужо, у 1070-я гады быў немаўлём. Са спасылкай на А. Кіркора, тое ж падаў [[М. І. Ермаловіч]] ў сваім артыкуле «Віленская княства» у Энцыклапедыі гісторыі Беларусі.
На думку Л. Вайтовіча, кн. Расціслаў атрымаў ад бацькі ва ўдзел [[Лукомль]]<ref>Войтович, 2000</ref>, аднак, гэта яшчэ болей гіпатэтычна, бо не згадваецца і познімі крыніцамі нават ускоўна<ref>Насевіч, 1994</ref>.
