Ланга: Розніца паміж версіямі

Ланга здаўна займаюцца [[жывёлагадоўля]]й, трымаюць [[карова|кароў]], [[авечка свойская|авечак]] і [[каза свойская|коз]]. З [[культура|культурнага]] пункту гледжання, жывёлагадоўля застаецца важнай, паколькі колькасць кароў вызначае сацыяльны статус іх уладальніка, выкарыстоўваецца для выкупу нявесты, жывёле прыпісваецца сімвалічны дабрабыт, жыццёвую пэўнасць і нават мужнасць. Аднак жывёлагадоўля амаль не прыносіць прыбыткаў. Распаўсюджаныя пароды даюць мала [[малако|малака]] і [[мяса]], патрабуюць шырокіх пашаў для выгану. Наадварот, [[земляробства]] забяспечвае ланга ежай, а таксама таварам на продаж. Яны вырошчваюць [[сорга]], [[кукуруза|кукурузу]], [[бабовыя]], з камерцыйнымі мэтамі — [[кунжут]] і [[бавоўнік]]. Традыцыйныя [[рамяство|рамёствы]]: [[металургія]], [[ганчарства]], пляценне, апрацоўка [[драўніна|драўніны]].