Паводле [[Ніна Іванаўна Стужынская|Ніны Стужынскай]], Янка Мацэлі нарадзіўся ў 1892 годзе ў [[Лунінецкі павет|Лунінецкім павеце]]. Аднак укладальнікі кнігі «Слуцкі збройны чын 1920 г.» называюць вёску [[Малая Млынка|Малую Млынку]] [[Цараўская воласць|Цараўскай воласці]] [[Слуцкі павет|Слуцкага павета]]. Імаверна, удзельнічаў у [[Першая сусветная вайна|Першай сусветнай вайне]] ў складзе [[Руская імператарская армія|расейскага войска]]. У пачатку 1919 года ён у ранзе [[Падпаручнік|падпаручніка]] быў ад’ютантам [[Першы беларускі полк (Гродна)|Першага беларускага гарадзенскага палка]] у складзе летувіскага войска. Браў удзел у падрыхтоўцы [[Беларускі з’езд Віленшчыны і Гродзеншчыны (1919)|Беларускага з'ездуз’езду Віленшчыны і Гарадзеншчыны]]. Пазней апынуўся ў [[Рыга|Рызе]], дзе стаў супрацоўнікам [[Вайскова-дыпламатычная місія БНР у Латвіі і Эстоніі|Беларускай вайскова-дыпламатычнай місіі]] увосень 1919 года{{Sfn|Слуцкі збройны чын|2006|с=320—321}}. А ў пачатку 1920 года Янка Мацэлі быў ужо ў [[Мінск|Менску]], у ранзе [[Паручнік|паручніка]] быў у 1-й роце рэзерву [[Беларуская вайсковая камісія|Беларускай вайсковай камісіі]] (БВК).
