Аркадзь Качан: Розніца паміж версіямі

Змесціва выдалена Змесціва дададзена
Новая старонка: '{{Асоба |імя = Аркадзь Качан |арыгінал імя = |партрэт = Аркадзь_Качан.jpg |апіс...'
(Няма розніцы)

Версія ад 10:04, 6 чэрвеня 2021

Аркадзь Качан (13 мая 1921 — 4 снежня 1982) — беларускі грамадскі і вайсковы дзеяч.

Аркадзь Качан
Род дзейнасці беларускі грамадскі і вайсковы дзеяч
Дата нараджэння 13 мая 1921(1921-05-13)
Месца нараджэння Барсукі, Навагрудскае ваяводства, Польская Рэспубліка
Дата смерці 4 снежня 1982(1982-12-04) (61 год)
Месца смерці Сідней, Аўстралія
Месца пахавання могілкі Роквуд, Аўстралія
Бацька Антон Качан
Маці Вера Качан
Жонка Olga Katchan[d]
Член у

Біяграфія

Нарадзіўся 13 мая 1921 г. у в. Барсукі Навагрудскага ваяводства ў Польскай Рэспубліцы у сям’і настаўнікаў Антона і Веры Качаноў.

Вучыўся ў Дзісенскай польскай гімназіі, у 1941 г. скончыў дзесяцігодку ў Маладзечне. Пазней працаваў сакратаром суда ў Глыбокім. Па сканчэнні курсаў каманднага складу Беларускай самааховы ў Лебедзеве каля Маладзечна кіраваў ротай 13-га Беларускага паліцыйнага батальёну СД у Вілейскай акрузе. Улетку 1944 г. выехаў у Германію і трапіў у дывізію «Беларусь», разам з якой пазней здаўся амерыканцам.

Па вайне некалькі гадоў правёў у лагеры для перамешчаных асобаў у Розенгайме. Ад 1950 г. жыў у Аўстраліі, у Сіднеі. Адзін з заснавальнікаў і доўгагадовы сакратар Беларускага аб’яднання ў Новай Паўднёвай Валіі. Сябра Рады БНР, Беларускага культурна-грамадскага клуба і Федэральнай рады беларускіх арганізацый у Аўстраліі. Пры канцы 1970-х гг. — беларускі прадстаўнік у Выканаўчым камітэце Этнічнай рады ў Новай Паўднёвай Валіі. Адзін са стваральнікаў і каардынатар беларускага радыё ў Сіднеі. Сталы фундатар беларускіх выданняў і ўстаноў на эміграцыі. Дасылаў беларускую літаратуру ў бібліятэкі аўстралійскіх універсітэтаў.

Памёр 4 снежня 1982 г. у Сіднеі. Пахаваны на беларуска-ўкраінскай частцы могілак Роквуд.

Памяць

Зноскі