Эдмунд Грындал

Эдмунд Грындал (англ.: Edmund Grindal; каля 1519—6 ліпеня 1583) — англійскі святар, архібіскуп Кентэрберыйскі з 1575.

Эдмунд Грындал
Edmund Grindal
Род дзейнасці	Архібіскуп Кентэрберыйскі
Дата нараджэння	1519
Месца нараджэння	Сент-Біс[d], Коўпленд[d], Камбрыя, Англія
Дата смерці	6 ліпеня 1583(1583-07-06)[…]
Месца смерці	Лондан, Каралеўства Англія
Месца пахавання	Кройданмінстэр[d]
Грамадзянства	Каралеўства Англія
Веравызнанне	англіканства
Альма-матар	Каледж Хрыста[d] Пембрак-каледж[d] Каледж Магдалены[d]
Медыяфайлы на Вікісховішчы

Грындал рана займеў славу моцнага пратэстанцкага прапаведніка і зрабіўся адным з капеланаў караля Эдуарда VI. У 1553 годзе ён быў намінаваны на пасаду біскупа Лонданскага, аднак смерць караля і ўзыход на трон яго сястры, каталічкі Марыі I, перашкодзіла гэтым планам. Грындал не пажадаў шукаць кампрамісаў з новаю ўладаю і з'ехаў у выгнанне ў Страсбург. Калі ў 1559 была каранаваная новая каралева, пратэстантка Лізавета I, Грындал вярнуўся ў Англію і ў хуткім часе зрабіўся нарэшце біскупам Лонданскім. У 1570 ён атрымаў пасаду архібіскупа Ёркскага, а ў 1575 — архібіскупа Кентэрберыйскага. На гэтай пасадзе ён хутка трапіў у няласку каралевы, адмовіўшыся забараняць пэўныя пурытанскія практыкі. У выніку ў 1577 годзе ён быў адсунуты ад кіравання Царквой Англіі, аднак адмовіўся падаваць у адстаўку і заставаўся фармальна архібіскупам. Прымірыўся з каралеваё ён толькі ў 1582 годзе, незадоўга да смерці.