Рыжская беларуская асноўная школа імя Янкі Купалы: Розніца паміж версіямі
Новая старонка: '{{Школа|Назва=Рыжская Беларуская асноўная школа імя Янкі Купалы|Адрас={{Сцягафікацыя|Латвія}}, г. Рыга, вул. Ілукстэс, 10|Заснавана=1994 год|Дырэктар=Анжэла Дзмітрыева (на 2021)|Сайт=https://www.jkbkps.lv/|Выява=Jankas Kupalas...' |
(Няма розніцы)
|
Версія ад 20:43, 19 лістапада 2021
Рыжская Беларуская асноўная школа імя Янкі Купалы (лат.: Jankas Kupalas Rīgas Baltkrievu pamatskola) — адзіная беларуская школа ў Латвіі[1]. У школе дзейнічае музей, які беражліва захоўвае старонкі жыцця і творчасці Янкі Купалы, Якуба Коласа, Янкі Маўра[1].
| Рыжская Беларуская асноўная школа імя Янкі Купалы | |
|---|---|
 | |
| Заснавана | 1994 год |
| Дырэктар | Анжэла Дзмітрыева (на 2021) |
| Тып | Асноўная школа |
| Вучняў | 154 (на 2021) |
| Адрас |
 Латвія, г. Рыга, вул. Ілукстэс, 10 |
| Сайт | jkbkps.lv |
Выкладанне ў школе вядзецца на латышскай, беларускай і рускай мовах. Беларуская мова выкарыстоўваецца на ўроках мовы і літаратуры, а таксама на пазакласных мерапрыемствах[1].
Мінуўшчына
У 1989 годзе пры сярэдняй школе № 15 горада Рыгі адкрыўся першы беларускі клас[2]. У 1994 годзе набраліся чатыры класы, з якіх паўстала беларуская школа, атрымаўшы памяшканне занядбалага дзіцячага сада[2]. Школа была адкрытая, дзякуючы латвійскаму таварыству беларускай культуры «Світанак» і актыўнасці былога дырэктара Вячаслава Целеша[3].
У 1998 годзе школа атрымала статус Рыжскай беларускай асноўнай, а ў 2011-м ёй было нададзенае імя беларускага класіка Янкі Купалы[3].
17 чэрвеня 2010 года школа, паводле пастановы Рыжскай гарадской думы, пераехала ў будынак сярэдняй школы № 86 г. Рыгі[1].
Навучанне
На 2010 год у беларускай школе 9 класаў — 115 вучняў і 22 педагогі[2]. На 2014 было ўжо 150 дзяцей[3]. У 2019–2020 навучальным годзе ў школу паступіла 18 першакласнікаў[4].
| Навучальны год | 2013/2014 | 2014/2015 | 2015/2016 | 2016/2017 | 2017/2018 | 2018/2019 | 2019/2020 |
|---|---|---|---|---|---|---|---|
| Колькасць вучняў | 126[5] | 148[5] | 163[5] | 167[5] | 157[5] | 154[5] | 154[6] |
Гурткі
У школе дзейнічае дзіцячы вакальны гурт «Вавёрачка», гурток візуальнага мастацтва і гурток вырабу мяккіх цацак[1].
Супрацоўніцтва
Беларускае пасольства забяспечвае школу мастацкай літаратурай і падручнікамі, яе настаўнікі праходзяць курсы павышэння кваліфікацыі ў Беларусі. Мінская гімназія № 23 заключыла з Рыжскай беларускай школай дагавор аб супрацоўніцтве[2].
Дырэктары
- Вячаслаў Целеш
- Ганна Іванэ (2002—2018)[1]
Спасылкі
- Ганна Іванэ. БЕЛАРУСКАЙ ШКОЛЕ Ў РЫЗЕ – 20 ГАДОЎ // Прамень. — Март 7th, 2015.
- У Рызе вывучаюць Беларусь. Беларуская асноўная школа ў Рызе рыхтуецца да наваселля: з сёлетняга навучальнага года яна будзе займаць асобнае крыло сярэдняй школы № 86. // Беларусь сегодня. — 18 АВГУСТА 2010.
- Вучымся жыць разам // Беларусь сегодня. — 23 АПРЕЛЯ 2014.
- Ганна Іванэ. У Рызе — школа беларуская // Звязда. — 28.11.2019.
- Беларуская школа ў Рызе // Пасольства Рэспублікі Беларусь ў Латвіі.
- ↑ а б в г д е Беларуская школа ў Рызе // Пасольства Рэспублікі Беларусь ў Латвіі.
- ↑ а б в г У Рызе вывучаюць Беларусь. Беларуская асноўная школа ў Рызе рыхтуецца да наваселля: з сёлетняга навучальнага года яна будзе займаць асобнае крыло сярэдняй школы № 86. // Беларусь сегодня. — 18 АВГУСТА 2010.
- ↑ а б в Вучымся жыць разам // Беларусь сегодня. — 23 АПРЕЛЯ 2014.
- ↑ Ганна Іванэ. У Рызе — школа беларуская // Звязда. — 28.11.2019.
- ↑ а б в г д е Pašnovērtējuma ziņojums 2019
- ↑ Pašnovērtējuma ziņojums 2020