Тавар: Розніца паміж версіямі

'''Тава́р''' — прадукт [[праца|працы]], выраблены для задавальнення патрэб [[грамадства]] шляхам куплі-продажу ці абмену на [[рынак|рынку]].

Прадукт працы становіцца таварам ва ўмовах грамадскага [[падзел працы|падзелу працы]] і адасаблення вытворцаў на выраб якога-небудзь прадукту. Тавар мае [[вартасць]] і [[спажывецкая вартасць|спажывецкую вартасць]]. Паводле [[Карл Маркс|Карла Маркса]], 2 бакі тавара абумоўліваюцца дваістым характарам, увасобленай у ім працы. Спажывецкая вартасць утвараецца вызначанай карыснай працай работніка пэўнай спецыяльнасці (канкрэтная праца) і складае рэчавы змест багацця кожнага грамадства. Вартасць утвараецца абстрактнай працай — затратай інтэлектуальнай, нервовай, мускульнай энергіі таваравытворцы наогул, незалежна ад канкрэтнай формы праяўлення. У адпаведнасці з працоўнай тэорыяй вартасці ([[Адам Сміт|А.Сміт]], [[Давід Рыкарда|Д.Рыкарда]], [[Карл Маркс|К.Маркс]]) спажывецкая вартасць з’яўляецца носьбітам вартасці, але паміж імі існуе ўнутраная супярэчнасць. Як спажывецкія вартасці розныя тавары якасна неаднародныя і колькасна несувымерныя, як вартасці — аднародныя. Гэтая агульная ўласцівасць (арэчаўленая грамадская праца) дае магчымасць прыраўноўваць тавар адзін да аднога і абменьваць яго ў адпаведных прапорцыях.