Бітва ў бухце Пакоча: Розніца паміж версіямі

'''МАРСКАЯ БІТВА ПРЫ ПАКОЧА 1877''', марская бітва (29.5.1877), якая адбылася ў паўднёвай [[Бухта Пакоча|бухце Пакоча]], каля г. [[горад Макега|Макега]], між перуанскім ([[Рэвалюцыя ў Перу 1877|рэвалюцыйных сіл]]) маніторам "Гуаскар" (кап. Г. Астэтэ) — 4 гарматы, 1 меншая гармата, ~100 ч., і брытанскім Паўднёваамерыканскім атрадам (контр-адм. А. дэ Хорсі), які складаўся з двух караблёў, жалезнага фрыгата "Шах" (кап. Ф. Бэдфард) і карвета "Аметыст" (кап. А. Чатфілд) — 40 гармат, тарпеды, шастовыя міны, 800 ч.

Пасля ультыматуму дэ Хорсі (16.5.1877), які быў пастаўлены ў адказ на ранейшае затрыманне і агляд маніторам двух брытанскіх параходаў, і які быў адкінуты Астэтэ (22.5.1877), брытанскі атрад рабіў спробы перахапіць манітор. Тым часам, перуанскія ўрадавыўрадавыя сілы безвынікова спрабавалі захапіць "Гуаскар" у марской бітве пры Пачола (27.5.1877). Брытанцам удалося знайсці перуанскі манітор 29.5.1877. На борце "Гуаскара" у гэты час таксама знаходзіўся кіраўнік перуанскай рэвалюцыі Н. дэ П'ерола. Пачынаючы з 15 гадз., брытанскі атрад спрабаваў манёўрам заблакаваць рух манітора і артылерыйскім агнём прымусіць яго паддацца, або ўзяць на абардаж. Але значная перавага брытанцаў у артылерыі і людзях ураўнаважвалася малою асадкай і панцырам манітора. У сваю чаргу, артылерысты перуанскага карабля стралялі вельмі няцэльна. Абодва бакі неаднаразова і безвынікова спрабавалі ісці на таран. Нарэшце, каля 17 гадз. дэ Хорсі загадаў патапіць перуанскі карабель самаходнай міна Уайтхеда (тарпедай). Каля 21 гадз. быў зроблены '''<u>першы ў гісторыі стрэл самаходнай тарпедай у баі'''</u>, безвынікова. Пасля прыходу змроку англійскі атрад выйшаў з бою. Страты бакоў склалі з перуанскага боку — забіты 1 афіцэр, з брытанскага боку — некалькі параненых матросаў.