'''«Цудоўны часаслоў герцага Берыйскага»''', ці ''«Раскошны часаслоў герцага Берыйскага»'' ({{lang-fr|Très Riches Heures du Duc de Berry}}) — [[Ілюмінаваны рукапіс|ілюстраваны рукапіс]] XV стагоддзя. Найбольш праслаўленыя выявы часаслова — цыкл «Поры года» з 12 мініяцюр з выявай пацех знаці або сялянскай працы на фоне сярэдневяковых замкаў.
Быў заказаны герцагам [[Жан, герцаг Берыйскі|Жанам Берыйскім]] [[мініяцюра|мініяцюрыстам]] братам Полю, Жану і Эрману [[Браты ЛімбургіЛімбург|Лімбургам]] у 1410—1411 гадах і застаўся незавершаным пасля смерці трох мастакоў і іх заказчыка ў 1416 годзе. Рукапіс, верагодна, быў дапоўнены ў каляндарнай частцы ананімным майстрам у 1440—1450-х гадах. Некаторыя гісторыкі мастацтва лічаць, што гэтым мастаком быў [[Бартэлемі д’Эйк]]. У 1485—1486 гадах манускрыпт быў дапрацаваны мастаком [[Жан Каломб|Жанам Каломбам]] па заказу [[Карл I Савойскі|Карла I Савойскага]], аднак некаторыя лісты яго засталіся незавершанымі. Набыты [[Генрых Арлеанскі, герцаг Амальскі|герцагам Амальскім]] у 1856 годзе, [[часаслоў]] захоўваецца ў яго замку [[сядзіба Шанціі|Шанціі]] (у наш час — [[сядзіба Шанціі#Музей Кандэ ў Шанціі|Музей Кандэ]], інв. № Ms. 65). Разам з памесцем і размешчаным у ім зборам твораў мастацтва часаслоў быў перададзены герцагам французскай дзяржаве; паводле яго завяшчання, манускрыпт, як і іншыя экспанаты, ніколі не павінен пакідаць межаў Шанціі<ref name="Шантийи">{{cite web|url=http://www.chateaudechantilly.com/domaine-de-chantilly/histoire|title=Histoire|publisher=Domaine de Chantilly|accessdate=2012-07-20|lang=fr|archiveurl=https://www.webcitation.org/69io1srOp?url=http://www.chateaudechantilly.com/domaine-de-chantilly/histoire|archivedate=6 жніўня 2012|deadurl=no}}</ref>.
