Расціслаў Глебавіч: Розніца паміж версіямі

'''Расціслаў Глебавіч''' ([[1090-я]] — пасля [[1161]]/[[1162]]) — [[Князі менскія|князь менскі]] ([[1140-я]] — [[1151]]; [[1158]]—[[1161]]/[[1162]]), [[Князі полацкія|князь полацкі]] ([[1151]]—[[1158]]). Сын мінскага князя [[Глеб Усяславіч|Глеба Усяславіча]]. Вёў барацьбу за дамінаванне [[Менск]]а ў [[Полацкая зямля|Полацкай зямлі]]. Жанаты на Сафіі Яраслаўне, сястры тураўскага князя [[Юрый Яраславіч, (князь тураўскі)|Юрыя Яраславіча]].

У 1158 годзе Расціслаў быў вымушаны вызваліць Рагвалода-Васіля, які хутка захапіў [[Горад Друцк|Друцк]] выгнаўшы адтуль сына Расціслава — [[Глеб Расціславіч Друцкі|Глеба]]. Расціслаў з Валадаром і [[Усевалад Глебавіч|Усеваладам]] пайшоў да Друцка, але здолеў захапіць. [[Род Глебавічаў|Глебавічы]] заключылі мір з Рагалодам-Васілём. У тым жа 1158 годзе палачане змовіліся супраць Расціслава, нават хацелі забіць, але яго папярэдзіў «дзецкі» — малодшы дружыннік. Расціслаў, вымушаны пайсці з [[Полацк]]а ў [[Мінск]], па дарозе моцна парабаваў полацкія воласці. Полацкі сталец зноў заняў (8.7.1158) Рагвалод-Васіль, які ў саюзе з [[Князі смаленскія|смаленскімі князямі]] выступіў супраць Менска. Рагвалод-Васіль забраў у Глебавічаў [[Ізяслаўль]] і аддаў яго сваім саюзнікам — сынам [[Давыд Усяславіч|Давыда Усяславіча]], пратрымаў у 10-дзённай безвыніковай аблозе Менск і заключыў з Расціславам мір. Валадар не заключаў міру з Рагвалодам-Васілём, бо тымчасова «''ходяше под [[Літва, племя(плямёны)|Литвою]] в лесех''» — быў недзе на літоўскім памежжы.