Рыта: Розніца паміж версіямі

'''Рыта''' — рака ў [[Маларыцкі раён|Маларыцкім]] і [[Брэсцкі раён|Брэсцкім]] раёнах Беларусі, левы прыток ракі [[рака Мухавец|Мухавец]] (басейн [[рака Вісла|Віслы]]). Даўжыня 62 км. Плошча вадазбору 1730 км². Сярэднегадавы расход вады ў вусці 5,9 м³/с. Сярэдні нахіл воднай паверхні 0,6‰.

Пачынаецца ад трубы-рэгулятара каля вёскі [[Сушытніца]] Маларыцкага раёна. Раней пачыналася з [[Крымна|возера Крымна]] ([[Украіна]]), пасля меліярацыйнай рэканструкцыі верхняе цячэнне пераведзенае ў рэчку [[рака Маларыта (рака)|Маларыта]] (пры неабходнасці частка сцёку можа накіроўвацца ў Рыту).

Цячэ па [[Брэсцкае Палессе|Брэсцкім Палессі]]. Вусце каля ўсходняй ускраіны вёскі [[Літвіны]] Брэсцкага раёна. За 2 км вышэй аўтадарогі [[вёска Ляхаўцы (Маларыцкі раён)|Ляхаўцы]]-[[вёска Макраны, (Маларыцкі раён)|Макраны]] частка сцёку Рыты накіроўваецца ў [[Лукаўскае вадасховішча]], ніжэй вусця Маларыты рэчышча прымае прыродныя параметры.

[[Абалона, геаграфіяПойма|Абалона]] двухбаковая, нізкая, забалочаная (шырыня 0,3—0,5 км), перасечаная меліярацыйнымі каналамі, у верхнім і сярэднім цячэнні меліяраваная. Рэчышча каналізаванае амаль на ўсім працягу за выключэннем 3,5 км вышэй вусця. Берагі стромкія, месцамі абрывістыя.

Замярзае ў 3-й дэкадзе снежня, [[лёд]] трымаецца да сярэдзіны сакавіка. Веснавы ледаход 7 дзён. Найвышэйшы ўзровень разводдзя ў пачатку 3-й дэкады сакавіка. Асноўныя прытокі — [[Маларыта (рака Маларыта)|Маларыта]], [[рака Замшанка|Замшанка]] і [[рака Пажэжынка|Пажэжынка]] (злева). Рака прымае сцёк з меліярацыйных каналаў.