'''Беларуска-амерыканская нацыянальная рада''' (БАНР) -— першая стала беларуская арганізацыя ў [[Злучаныя Штаты Амерыкі|ЗША]]. Заснавана [[7 верасня]] [[1941]] г. у [[Чыкага]]. Заснавальнікі – [[Янка Тарасевіч|Я. Тарасевіч]], [[Я. Чарапук]], П. Чопка, М. Аблажэй, І. Лобач, [[Я. Варонка]], [[Я. Рэшаць]]. Да кастрычніка [[1941]] г. называлася Беларускі камітэт дапамогі ахвярам вайны. Стаяла за аднаўленнне дзяржаўнасці [[Беларуская Народная Рэспубліка|БНР]] і непадзельнасць беларускіх зямель. У 2-ю сусветную вайну праз амерыканскія арганізацыі наладжвала дапамогу народу Беларусі, у пасляваенныя гады падтрымлівала беларускіх эмігрантаў. Прадстаўнікі БАНР удзельнічалі ў [[Агульнаамерыканскі славянскі кангрэс|Агульнаамерыканскіх славянскіх кангрэсах]] ([[1942]], [[1944]], [[1946]], [[1948]]). Вядзе культурна-асветніцкую, выдавецкую і прапагандысцкую дзейнасць. Выдавала “Весткі БАНР” і “Беларускія весткі”. На сучасным этапе БАНР звязана пераважна з дзейнасцю беларускай праваслаўнай царквы св. Юр’я.
