'''Ствол''' — асноўная частка агнястрэльнай [[Зброя|зброі]], прызначаная для кідання снарада ([[Міна|міны]], гранаты, кулі) з вызначанай пачатковай хуткасцю і наданнем яму ўстойлівага палёту ў жаданым накірунку.
Ствол уяўляе сабой трубу, унутраная полая частка якой завецца каналам. Канал ствала складаецца з каморы, дзе змяшчаецца кідальны зарад, і вядучай часткі.
[[Выява:Canon rayé première guerre mondiale img 1967.jpg|thumb|300px|Нарэзы ў нутры стволавага канала]]
На вонкавай паверхні ствала, размешчанай над каморай, раней ставілася адмысловае таўро, паказвальнае на прыналежнасць зброі той ці іншай дзяржаве (казне), таму за гэтай часткай ствала гістарычна захавалася назва казённай. Процілеглая частка ствала атрымала назву дульнай. Адпаведна кантавыя зрэзы ствала прынята зваць казённым і дульным. Адлегласць паміж гэтымі зрэзамі завецца даўжынёй ствала, вымяранай лікам калібраў гэтага ствала або ў міліметрах (дзюймах).
