Беларуская сацыял-дэмакратычная работніцкая група: Розніца паміж версіямі

'''Беларуская сацыял-дэмакратычная работніцкая група''' ''(БСДРГ)'' - палітычная арганізацыя, якая дзейнічала ў [[1915]] – [[1918]] гг. на тэрыторыі [[Беларусь|Беларусі]], акупіраванай германскімі войскамі ў [[Першая сусветная вайна|1-ю сусветную вайну]]. Утварылася ў выніку разыходжанняў па пытаннях тактыкі і нацыянал-дзяржаўнага будаўніцтва паміж дзеячамі [[Беларуская сацыялістычная грамада|Беларускай сацыялістычнай грамады]] (БСГ) – марксістамі і народнікамі. Марксісты ([[Іван Іванавіч Луцкевіч|І.І.]] і [[Антон Іванавіч Луцкевіч|А.І. Луцкевічы]], [[Алаіза Сцяпанаўна Пашкевіч (Цётка)|Цётка]] і іншыя) заснавалі БСДРГ. Група рабіла стаўку на работу ў масах, арганізоўвала прафсаюзы, кааператывы і іншыя арганізацыі, мела ў іх сваіх прадстаўнікоў. Удзельнічала ў стварэнні Беларускага народнага камітэта ў [[Вільня|Вільні]]. У верасні [[1917]] г. выказалася за стварэнне Беларуска-Літоўскай дзяржавы з аўтаномнымі Беларуссю і [[Літва|Літвой]], за ўключэнне ў гэту дзяржаву ўсіх беларускіх зямель, за прызнанне раўнапраўя ўсіх народаў у ёй, забеспячэне "ўрадавага" статуса мясцовым мовам і школьнае навучанне на роднай мове. Пасля абвяшчэння ў снежні [[1917]] г. Літоўскай рэспублікі група стала на незалежніцкія пазіцыі. падтрымала стварэнне [[Беларуская Народная Рэспубліка|Беларускай Народнай Рэспублікі]]. Пасля расколу БСГ (красавік [[1918]] г.) БСДРГ аб’ядналася з марксістамі, якія пакінулі БСГ, і ўтварыла з імі [[Беларуская сацыял-дэмакратычная партыя (1918 - 1924)|Беларускую сацыял-дэмакратычную партыю]].

{{Няма катэгорый}}