Лясная (рака): Розніца паміж версіямі

{{вызн|1=Лясная}}  — рака ў [[Камянецкі раён|Камянецкім]] і [[Брэсцкі раён|Брэсцкім]] раёнах [[Беларусь|Беларусі]], правы прыток [[Рака Заходні Буг|Заходняга Буга]]. Даўжыня 85  км. Вадазбор 2650 км². Сярэднегадавы расход вады ў вусці 13 м³/с. Сярэдні нахіл воднай паверхні 0,2 [[праміля|‰]].

Утвараецца ад зліцця рэк [[Рака Правая Лясная|Правая Лясная]] і [[Рака Левая Лясная|Левая Лясная]] за 1  км на ўсход ад [[вёска Вугляны|в. Вугляны]] Камянецкага раёна, вусце за 0,5  км на 3 ад в. Церабунь Брэсцкага раёна. Цячэ па Прыбугскай раўніне і Брэсцкім Палессі. Найвышэйшы ўзровень разводдзя ў канцы 2-й дэкады сакавіка, сярэдняя вышыня над межанным узроўнем 1,5  м, найболыная 2,1 м (1958). Замярзае ў 3-й дэкадзе снежня, крыгалом у сярэдзіне сакавіка (6 сутак).

Даліна шырынёй 2—4  км, схілы да 20 м (месцамі да 30 м), перасечаныя лагчынамі, ярамі, асушальнымі каналамі. Пойма двухбаковая, шырынёй 0,2—0,6 км (найбольш 1 км), лугавая, радзей  — парослая хмызняком; у разводдзе затапляецца вадой на глыбіню 0,3—0,8  м тэрмінам да 3 тыдняў. Рэчышча звілістае, месцамі моцназвілістае. Шырыня ракі ў межань 20—30  м. Берагі вышынёй 1—1,5 м (месцамі 3—4 м), адкрытыя, пад хмызняком.