Розніца паміж версіямі "Палеаграфія"

52 байты дададзена ,  10 гадоў таму
+
др (робат Дадаем: hu:Paleográfia)
(+)
'''ПАЛЕАГРАФІЯ''' ({{lang-el|παλαιός}} — старажытны; {{lang-el|γραφω}} — пішу), [[Гісторыя#дапаможныя гістарычныя навукі|дапаможная гістарычная навука]], якая вывучае [[знешнія прыкметы рукапісных помнікаў]] у іх гістарычным развіцці.
 
Агульнай палеаграфіі не існуе, а ў залежнасці ад [[алфавіт]]аў, а таксама і [[мова|моў]], адрозніваюць палеаграфіі арабскую, армянскую, грузінскую, [[глаголіца|глаголіцкую]], грэчаскую, індыйскую, [[кірыліца|кірыліцкая]], кітайскую, лацінскую і інш. Напрыклад, славянская палеаграфія, у залежнасці ад мовы і асаблівасцяў культурнага развіцця, падзяляецца на балгарскую, беларускую, заходнеславянскую, украінскую, рускую і сербскую.
 
Асноўная задача палеаграфіі — вывучэнне знешніх прыкмет старажытных рукапісаў дзеля вызначэння часу і месца іх стварэння. Вывучэнне знешніх прыкмет таксама дазваляе вызначыць аўтарства, гісторыю стварэння, устанавіць аўтэнтычнасць, выявіць падробкі і г. д.
 
Прадметам палеаграфіі з’яўляецца вывучэнне менавіта старажытных, або тых, што, прынамсі, маюць прыкметы старажытнасці, рукапісных помнікаў пісьменнасці як такой, г. зн. такіх, прызначэнне якіх павінна было служыць сродкам перадачы інфармацыі, але не прадметаў матэрыяльнай культуры, якія маюць якія-небудзь надпісы. Надпісы на побытавых прадметах, вышыўкі тэкстаў на прадметах з тканіны, літарныя і лічбавыя знакі на помніках архітэктуры, скульптуры, жывапісу, манетах, пячатках, камянях ''звычайна''<ref>[[В. Н. Шчэпкін|Щепкин В. Н.]] Цели и метод палеографии.</ref> не ўваходзяць у прадмет палеаграфіі.<ref>Беларуская палеаграфія, як і некаторыя іншыя, з-за нястачы старажытных, да [[XIII стагоддзе|XIII ст.]], пісьмовых крыніц выкарыстоўвае даныя вывучэння таксама і гэтых напісанняў.</ref> Палеаграфія не займаецца экспертызай сучасных даследчыку почыркаў ці рукапісаў, хаця ў метадах даследавання і экспертызы ёсць пэўнае падабенства.
 
Метад палеаграфіі параўнаўчы, і заключаецца ў вывучэнні знешніх прыкмет старажытных рукапісаў, месца і час стварэння якіх вядомыя <ref>З пастаўленых аўтарамі храналагічных і тапалагічных дат або дзякуючы ўзгаданням вядомых гістарычных падзей і асоб.</ref> і супастаўленні вынікаў гэтага вывучэння з вонкавымі прыкметамі помнікаў, месца і час стварэння якіх невядомы. Таксама палеаграфія, у пэўнай ступені, вывучае змест і асаблівасці мовы помнікаў, бо асаблівасці мовы сведчаць аб месцы стварэння помніка.
 
Палеаграфія датуе помнікі даволі вялікімі адрэзкамі часу — ад 10 да 200 гадоў, бо змены ў знешніх прыкметах старажытных рукапісаў адбываліся марудна. Таксама даволі шырока вызначаецца месца напісання — краінай ці рэгіёнам, які імкнецца да пэўнага культурнага цэнтра.
 
== Гл. таксама ==
 
* [[Маюскул]]
 
{{зноскі}}