Залужанка

Залужанка, Залуканка — рака ў Стаўбцоўскім раёне Мінскай вобласці, левы прыток Нёмана. Даўжыня 12 км. Плошча вадазбору 50 км². Сярэдні нахіл воднай паверхні 2,2 ‰. Пачынаецца паміж вёскамі Залужжа і Вечатарова, упадае ў Нёман за 0,8 км на поўнач ад вёскі Дразды. На працягу 7,2 км каналізаваная: ад вытоку да моста каля вёскі Скамарошкі (5,2 км). У вярхоўі прымае сцёк з меліярацыйных каналаў. Каля вёсак Стары Свержань і Залужжа створаныя сажалкі (плошчай адпаведна 0,28 км² і 0,02 км²).

Крыніцы

• Блакiтная кнiга Беларусi. - Мн.:БелЭн, 1994.