{{вызн|1=Ілія}} — рака ў [[Лагойскі раён|Лагойскім]] і [[Вілейскі раён|Вілейскім]] раёнах [[Беларусь|Беларусі]], у басейне [[Рака Вілія|Віліі]]. Даўжыня 62 км. Вадазбор 1220 км². Сярэднегадавы расход вады ў вусці 8,8 м³/с. Сярэдні нахіл воднай паверхні 1,8 [[праміля|‰]]. '''Асноўныя прытокі''': [[Рака Бачылаўка|Бачылаўка]], [[Рака Дроздка|Дроздка]] (справа), [[Рака Каменка, басейн Нёмана|Каменка]], [[Рака Сліжанка|Сліжанка]], [[Рака Мышкоўка|Мышкоўка]], [[Рака Выпрата|Выпрата]], [[Рака Жучок|Жучок]], [[Рака Рыбчанка|Рыбчанка]] (злева); Прымае сцёк з меліярацыйных каналаў.
Пачынаецца за 2 км на 3 ад в. Міхалкавічы ў межах [[Мінскае ўзвышша|Мінскага ўзвышша]], упадае ў паўднёвы заліў [[Вілейскае вадасховішча|Вілейскага вадасховішча]]. Замярзае ў сярэдзіне снежня, крыгалом у канцы сакавіка. У ніжнім цячэнні ракі размяшчаецца зона адпачьшку Вілейка. Даліна невыразная, яе шырыня 2—3 км. Пойма забалочаная, нізкая, яе шырыня 0,3—0,5 км. Рэчышча ад вытоку на працягу 25 км каналізаванае, ніжэй звілістае. Шырыня яго ў межань у вярхоўі 5—10 м, ніжэй да 20 м.
