Беларуская рада Случчыны: Розніца паміж версіямі

'''Беларуская рада Случчыны''', ''Рада Случчыны'', ''Слуцкая беларуская рада'' - выканаўчы і распарадчы орган улады ў [[Слуцк|Слуцку]] і [[Слуцкі павет|Слуцкім павеце]] ў лістападзе [[1920]] – студзені [[1921]] гг. Мела паўнамоцтвы часовага органа ўлады [[БНР]] да склікання беларускага ўстаноўчага сейма і ўтварэння выбарнага органа, стала палітычным органам кіраўніцтва [[Слуцкае паўстанне|Слуцкім паўстаннем]] [[1920]] г. Выбрана [[14 лістапада]] [[1920]] г. на [[Першы беларускі з'езд Случчыны|Першым беларускім з’ездзе Случчыны]] ў складзе 17 членаў. У прэзідыум рады ўваходзілі [[Уладзімір Пракулевіч|У. Пракулевіч]], [[Павел Якаўлевіч Жаўрыд|П.Я. Жаўрыд]], В. Русак, Ю. Сасноўскі, Радзюк. Заявіла пратэст савецкім і польскім урадам супраць перадачы [[Слуцкі пвает|Слуцкага павета]] ўладам [[БССР]], выдала дэкларацыю, якая заклікала сялян на барацьбу за "незалежную Беларусь у яе этнаграфічных граніцах". Сфарміравала 1-ю Слуцкую брыгаду стральцоў войскаў [[БНР]] у складзе 2 палкоў: 1-га Слуцкага і 2-га Грозаўскага. Пасля паражэння паўстання рада [[28 снежня]] [[1920]] г. разам з 1-й Слуцкай брыгадай перайшла на тэрыторыю [[Заходняя Беларусь|Заходняй Беларусі]], дзе брыгада была раззброена польскімі войскамі і інтэрніравана. Рада Случчыны пераехала ў [[Баранавічы]]; [[20 студзеня]] [[1921]] г. на апошнім пасяджэнні частка членаў рады прызнала сваім кіраўніком [[Станіслаў Булак-Балаховіч|С. Булак-Балаховіча]], частка выехала ў [[Вільня|Вільню]], частка засталася ў [[Баранавічы|Баранавічах]].▼