Чарлз Гейтс Даўэс

Чарлз Гейтс Даўэс (анг. Charles Gates Dawes; 27 жніўня 1865, Марыета, штат Агаё - 23 красавіка 1951, Эванстан, штат Ілінойс) — дзяржаўны і ваенны дзеяч ЗША, прадпрымальнік.

Дзейнасць

Удзельнік Першай сусветнай вайны, брыгадны генерал. Быў старшынёй міжнароднага камітэта экспертаў, якія выпрацавалі ў 1923-1924 рэпарацыйны план для Германіі. У 1925-1929 віцэ-прэзідэнт ЗША ад Рэспубліканскай партыі пры прэзідэнце Калвіне Куліджы, прычым адносіны віцэ-прэзідэнта і прэзідэнта былі горшымі за ўсю гісторыю: адразу пасля абрання Даўэса адправіў Куліджу абразлівы ліст, заявіўшы, што не будзе прымаць удзел у пасяджэннях ўрада, а затым пасварыўся і з сенатарамі (па пасадзе віцэ-прэзідэнт з'яўляецца старшынёй Сената). У далейшым першыя дзве асобы дзяржавы так і не прымірыліся. У 1929-1932 пасол у Вялікабрытаніі.