Джэймс Прэскат Джоўль

Джэймс Прэскат Джоўль (анг. James Prescott Joule; 24 снежня 1818, Сэлфард, Ланкашыр, Англія - 11 кастрычніка 1889, Сэйл, Чэшыр, Англія) — англійскі фізік, півавар.

Джоўль вывучаў прыроду цяпла, і выявіў яе сувязь з механічнай працай. Гэта прывяло да тэорыі захавання энергіі, што ў сваю чаргу прывяло да распрацоўкі першага закону тэрмадынамікі. У гонар Джоўля названа адзінка вымярэньня энергіі - джоўль. Ён працаваў з лордам Кельвінам над абсалютнай шкалой тэмпературы, рабіў назіранні над магнітастрыкцыяй, адкрыў сувязь паміж токам, што бяжыць праз праваднік з вызначаным супрацівам і вылучаемым пры гэтым цяплом, названы законам Джоўля.