'''Месенія''' ({{lang-el|Μεσσηνία}}), гістарычная вобласць у Старажытнай [[Грэцыя|Грэцыі]] на паўднёвым захадзе паўвострава [[Пелапанес]], вядомая сваёй гераічнай барацьбой за незалежнасць ад [[Спарта|Спарты]].
У крыта-мікенскія часы тэрыторыя Месеніі складала аснову магутнага царства са сталіцай у горадзе [[Пілас]]. Адным з яго цароў, паводле звестак [[Гамэр|Гамэра]], быў легендарны [[Нестар]]. У [[ХІІ стагоддзе да н.э.|ХІІ ст. да н.э.]] і [[IX стагоддзе да н.э.|ІХ ст. да н.э.]] Месенія пацярпела ад нашэсцяў дарыйскіх плямёнаў, барацьба з якімі скончылася, аднак, паступовым змяшаннем і ўтварэннем адзінага этнасу. Паражэнні у І і ІІ [[Месенскія войны|Месенскіх войнах]] са [[Спарта|Спартай]] у [[VIII стагоддзе да н.э.|VIII ст. да н.э.]] – [[VII стагоддзе да н.э.|VII ст. да н.э.]] прывялі да страты Месеніяй незалежнасці, якая была адноўлена толькі ў [[369 да н.э.]] пасля перамогі фіванскага палкаводца [[Эпамінонд|Эпамінонда]] над [[Спарта|Спартай]]. Паводле задумы Эпамінонда, незалежная Месенія са сталіцай у нанова збудаваным г. [[Месена]] стала адной з супрацьваг спартанскаму ўплыву ў [[Пелапанес|Пелапанесе]]. У [[III стагоддзе да н.э.|III ст. да н.э.]] Месенія далучылася да [[Ахейскі саюз|Ахейскага саюза]], у [[146 да н.э.]] трапіла пад панаванне [[Рым|Рыма]] і была ўключана ў склад рымскай правінцыі [[Ахая]].
