Швайпольт Фіёль: Розніца паміж версіямі

 

Прыбыў у [[Wp/be/Кракаў|Кракаў]] у 1479, быў майстрам гафцярскай справы.<ref>Вышыванне золатам па тканіне.</ref> На сродкі заможнага кракаўскага мешчаніна Яна Тужона заснаваў друкарню з кірылічнымі шрыфтамі, вырабленымі Рудольфам Барсдорфам з [[Wp/be/Браўншвейг|Браўншвейг]]у. Зберагліся чатыры выдадзеныя ім кнігі набажэнстваў на царкоўнаславянскай мове. Дзве з іх — "Актоіх" або "Васьмігласнік" (1491) і "Часаслоў" <ref>Зборнік малітваў і канонаў на ранішняе, дзённае і ўсяночнае богаслужэнне.</ref> (1491) маюць кароткае пасляслоўе ў форме [[Wp/be/Калафон|калафон]]а з тэкстам: ''"Доконана быс сия книга у великомъ граде Кракове при державе великого короля полского Казимира и докончана быс мещанином краковскимъ Шваиполтомъ Фиоль из немец немецкого роду Франкъ. И скончасас бо божием нарожениемъ 14 съть девять десят 1 лето"''. Іншыя дзве кнігі — "Трыёдзь посная" (не датавана) і "Трыёдзь каляровая" (1492) не маюць выхадных звестак. Верагодна, кірылічнае кнігавыдавецтва было камерцыйным прадпрыемствам, разлічаным на шырокі рынак праваслаўнага рэгіёна Усходняй Еўропы. З дакументальных крыніцаў вядома, што Ш.Ф. арыштоўваўся кракаўскай інквізіцыяй па падазрэнні ў ерасі, але быў апраўданы судом у 1492. Пакінуў Кракаў, жыў у Левачы у Славакіі.