П’ер Кардэн

П'ер Кардэн (фр. Pierre Cardin, італ. Pietro Cardin; нар. 7 ліпеня 1922, Сан-Б'яджа-ды-Калальта, Італія) — французскі мадэльер італьянскага паходжання. Адзін з самых уплывовых у гісторыі высокай моды.

З 1947 года працаваў у Крысціяна Дыёра, у 1950 годзе заснаваў уласны дом моды. Аддаваў перавагу абстрактнаму, геаметрычнаму дызайну, які часцяком мала адпавядаў паўсядзённым клопатам. Адзін з першапраходцаў стылю унісекс (калекцыя 1958), лічыўся авангардыстам ад моды.