Мюнхенскі ўніверсітэт

Мю́нхенскі ўніверсітэ́т Людвіга-Максіміліяна (ням.: Ludwig-Maximilians-Universität München (LMU)) — вышэйшая навучальная ўстанова ў Мюнхене, Германія. Заснаваны герцагам Людвігам IX у 1472 годзе і названы ў памяць пра яго і пра курфюрста Максіміліяна I Іозефа.

Мінуўшчына

Універсітэт быў заснаваны ў 1472 годзе ў горадзе Інгальштат герцагам Людвігам Багатым. Кіраваўся іезуітамі і некалькі стагоддзяў быў цэнтрам антырэфармацыйнага руху.

У 1800 г. курфюрст Макс IV Іозеф (пазней кароль Максіміліян І) перанёс універсітэт у горад Ландсхут. Толькі ў 1826 г. універсітэт пераведзены ў сталіцу Баварыі на загад караля Людвіга І.

Падчас Другой сусветнай вайны ва ўніверсітэце базаваўся антыфашысцкі рух супраціву «Белая ружа» на чале з Сафі і Гансам Шолямі.

Сучаснасць

Ва ўніверсітэце навучаюцца 45 539 студэнтаў (2009—2010). У склад універсітэту ўваходзяць 18 факультэтаў, на якіх выкладаюць больш за 700 прафесараў. Гадавы бюджэт унівэрсітэта складае прыкладна адзін мільярд еўра, траціна гэтых сродкаў даводзіцца на долю ўніверсітэцкай клінікі.

У Мюнхенскім універсітэце студэнты могуць атрымаць адукацыю па адной са 160 спецыяльнасцяў.

Факультэты

• Каталіцкага багаслоўя
• Евангельскага багаслоўя
• Юрыспрудэнцыі
• Эканомікі і арганізацыі вытворчасці
• Эканомікі народнай гаспадаркі
• Медыцыны
• Ветэрынарны
• Гісторыі і мастацтвазнаўства
• Філасофіі, тэорыі навукі, рэлігіязнаўства
• Псіхалогіі і педагогікі
• Культуралогіі
• Мова- і літаратуразнаўства
• Грамадствазнаўства
• Матэматыкі, інфарматыкі, статыстыкі
• Фізікі
• Хіміі і фармацэўтыкі
• Біялогіі
• Прыродазнаўчы

Вонкавыя спасылкі

• Афіцыйная бачына (ням.)