Саламон Рысінскі: Розніца паміж версіямі

'''Саламон РЫСІНСКІ''' (? — 1625) — [[ВКЛ|вялікалітоўскі]] [[паэт]]-лацініст, філолаг, фалькларыст-парэміёлаг, пратэстанцкі дзеяч. Першы вядомы навуцы чалавек, які сам сябе назваў беларусам, а сваю краіну Беларуссю.

Атрымаў добрую пачатковую адукацыю, ведаў царкоўнаславянскую мову. У [[1582]] вучыўся ў [[Лейпцыгскі ўніверсітэт|Лейпцыгскім універсітэце]]. Некалькі гадоў настаўнічаў у Жамойці і Малой Польшчы. У [[1586]] паступіў у Альтдорфскі ўніверсітэт (паблізу Нюрнберга[[Нюрнберг]]а), куды запісаўся як ''Solomo Pantherus Leuсorussus''<ref>Што і ёсць першай з вядомых цяпер беларускіх самаідэнтыфікацый. У 1588, у рукапісных каментарыях да прац Аўзонія, напісаных праз ліставанне з сваім нямецкім сябрам Конрадам Рытэрсхаўзенам, назваў сваю краіну ''Leucorossia''. Аднак у эпітафіі самаму сабе, у час смяротнай, як яму здавалася, хваробы, С. Рысінскі назваў сваю бацькаўшчыну традыцыйна проста Руссю.</ref>. Паводле меркавання А. Латышонка, навуковай крыніцай гэтай самаідэнтыфікацыі Рысінскага быў, хутчэй за ўсё, «Лексікон» Яна Мончынскага, а грэчаская форма перакладу магла ўзнікнуць пад уплывам Юлія Пампонія Лета.