Дзяржаўны музей мастацтваў

Дзяржаўны музей мастацтваў (дацк.: Statens Museum for Kunst) — дацкі музей мастацтваў, размешчаны ў Капенгагене.

Дзяржаўны музей мастацтваў
Statens Museum for Kunst
Заснаваны	1896
Адкрыты	1896
Месцазнаходжанне	Капенгаген
Наведвальнікі	451 195 чал. (2015)
Адрас	Sølvgade 48-50, 1307 København K
Праезд	[1]
Дырэктар	Astrid la Cour[d]
Адкрыты	аўт—птн: 10—17, сер: 10—20, пан: зачынены
smk.dk (дацк.) smk.dk/en (англ.)
Медыяфайлы на Вікісховішчы

Асноўны будынак музея быў пабудаваны паміж 1889 і 1896 гадамі па планах архітэктараў Вільгельма Далерупа і Г. Е. В. Мёлера ў стылі італьянскага адраджэння. Увосень 1998 года было адкрыта новае крыло, пабудаванае пад кіраўніцтвам Ганны Марыі Індрыё і Мэдса Мёлера. Яно размешчана ў парку за старым будынкам і злучана з ім крытай шкляной галерэяй, у якой знаходзіцца калекцыя скульптур. Там праводзяцца канцэрты і розныя прадстаўленні.

Музей утрымлівае калекцыі твораў мастацтва, пачынаючы з XII-га стагоддзя. Яны ўключаюць працы такіх майстроў, як Мантэнья, Тыцыян, Тынтарэта, Брэйгелі, Рубенс, Халс і Рэмбрандт. Калекцыя сучаснага мастацтва ўключае творы Пікасо, Брака, Лежэ, Маціса, Мадыльяні і Нальдэ. Шырока прадстаўлены карціны, скульптуры, інсталяцыі і іншыя творы дацкіх аўтараў.

Спасылкі

• На Вікісховішчы ёсць медыяфайлы па тэме Дзяржаўны музей мастацтваў
• Афіцыйны сайт (дацк.) (англ.)