Кіеўская Русь: Розніца паміж версіямі

'''Кіеўская Русь''' — раннефеадальная старажытнаруская дзяржава ўсходніх славян. Склалася ў 2-й пал. ІХ — 1-й пал. Х ст. Сталіца — [[Кіеў]] (адсюль назва). Існавала як адносна адзіная дзяржава да пач. ХІІ ст. Займала тэрыторыю ад Прычарнаморскіх стэпаў да [[Рака Паўночная Дзвіна|Паўночнай Дзвіны]], ад [[Днестр|Днястра]] і [[Заходні Буг|Заходняга Буга]] да Волга-Окскага міжрэчча.

 

Нараджэнне Кіеўскай Русі — шматвяковы працэс гісторыі ўсходніх славян. У VII-IX ст. узніклі тэрытарыяльна-палітычныя аб'яднанні — племянныя саюзы [[дулебы|дулебаў]] (потым іх месца занялі бужане і валыняне), палян, драўлян, [[дрыгавічы|дрыгавічоў]], харватаў, ціверцаў, улічаў, севяран, вяцічаў, [[радзімічы|радзімічаў]], [[крывічы|крывічоў]] (іх заходняя галіна — палачане), ільменскіх славен. Паводле звестак летапісаў, некаторыя плямёны мелі дзяржаўныя ўтварэнні — княжанні з гарадамі-цэнтрамі: у палян Кіеў, у ільменскіх славен [[Ноўгарад]], у крывічоў [[Полацк]] і [[Смаленск]], у дрыгавічоў [[Тураў]], у севяран [[Чарнігаў]], у драўлян Іскарасцень ([[Корасцень]]).