Роберт ван Гулік

Роберт Ханс ван Гулік (нідэрл. Robert Hans van Gulik, 9 жніўня 1910, Зютфен - 24 верасня 1967, Гаага) — нідэрландскі усходазнавец, дыпламат, музыка і пісьменнік, найбольш вядомы дзякуючы цыклу аповесцяў аб суддзі Дзі. Гэтага героя ён запазычыў з кітайскага дэтэктыўнага рамана «Дзі Гун Ань» (XVIII ст.), які, у сваю чаргу, грунтуецца на біяграфіі рэальнай гістарычнай асобы, якая жыла ў VII стагоддзі.