Жаўток: Розніца паміж версіямі

'''Жаўток''' — [[дэйтаплазма]], пажыўныя рэчывы, якія назапашваюцца ў яйкаклетцы жывёл і [[чалавек]]а ў выглядзе зерняў або пласцінак, якія часам зліваюцца ў суцэльную жаўтковую масу (у [[насякомыя|насякомых]], [[касцявыя рыбы|касцявых рыб]], [[птушкі|птушак]] і інш.) Жаўток знойдзены ў яйкаклетцы ўсіх жывёл і чалавека, але яго колькасць і размеркаванне значна вагаюцца. У яйках з малоў колькасцю жаўтка жаўтковыя зёрны размяркоўваюцца ў [[цытаплазма|цытаплазме]] раўнамерна (ізалецытальныя яйкі). У яйках з вялікай колькасцю жаўтка жаўтковыя зёрны запашваюцца альбо ў вегетатыўнай частцы яйка (целалецытальныя яйкі), альбо ў цэнтральнай частцы цытаплазмы - вакол ядра (цэнтралецытальныя яйкі). Ад колькасці і размеркавання жаўтка залежыць тып драбнення яек. Па хімічнай прыродзе адрозніваюць тры галоўныя разнавіднасці жаўтка: бялковы, тлушчавы і вугляводны, аднак у большасці жывёл зёрны жаўтка маюць складаны хімічны склад і ўтрымліваюць бялкі, тлушчы, вугляводы, [[РНК|рыбонуклеінавую кіслату]], пігменты і мінеральныя рэчывы. Напрыклад, курыным яйку, што завершыла рост, жаўток утрымоўвае 23% нейтральнага тлушчу, 16% бялку, 11% фасфаліпідаў, 1,5% [[халестэрын]]у і 3% мінеральных рэчываў. У сінтэзе і назапашванні жаўтка прымаюць удзел розныя арганоіды яйкаклеткі: [[комплекс Гольджы]], эндаплазматычная сетка, [[мітахондрыя|мітахондрыі]].

 

[[ru:Желток]]