žygimont VAZA
žygimont VAZA — беларускі музычны рок-гурт.
| žygimont VAZA | |
|---|---|
 Апошні выступ гурта на фестывалі Be Free, 2008 | |
| Асноўная інфармацыя | |
| Жанр | рок |
| Гады | 1987-2008 |
| Краіна |
 Беларусь |
| Горад | Мінск |
| Мова песень | беларуская |
| Склад |
Сяргей «Скрыпа» Скрыпнічэнка Кастусь Калеснікаў Павел Яноўскі Антон Мацулевіч |
| Іншыя праекты |
Skrypa MX, The Blue Devils |
 Медыяфайлы на Вікісховішчы |
|
Гісторыя правіць
Гурт заснаваны ў 1987 годзе і першапачаткова існуе пад назвай «Bastinda». У 1989 годзе яны змянілі назву žygimont VAZA. Першапачатковы склад гурта: Сяргей «Скрыпа» Скрыпнічэнка — гітара, вакал; Уладзімір «Вула» Зарубкін — вакал; Сяргей «Серы» — бас-гітара; Леанід Патэнт — ударныя.
На працягу гадоў разам з гуртам выступалі: Аляксандр «Цімоха» Цімошчанка — гітара, вакал (1991-1993); Дзяніс «Аліса» Борбух (1992-1993); Уладзімір Мулявін-малодшы (1993); Яўген «Руды» Собалеў (1989-1992); Алег «Паганіні» Усціновіч (1994 год, раней група YYY); Вадзім «Вад» Юрэвіч (1993-1994); Юрый «Грандж» Касьянаў (1994-1997); Павел Зарушэўскі (2002) — бас-гітара; Сяргей Ражноў (1992-1993); Віктар Літвіноўскі (1993-1994); Хатаб (1994 год); Цыпрыян «Цыпрык» Натовіч (1995-2000); Ёнас Буткявічус (2000, 2004 год) — ударныя; Дамінікас «Хілеп» Антанаўскас —— бас, віяланчэль, духавыя інструменты (1995-2000); Аляксандр Памідораў — вакал (2002).[1]
На пачатку 2005 года гурт складалаўся з Сяргея Скрыпнічэнкі, Андрэя Сапаненкі — ударныя (таксама ў гурце P.L.A.N.), Канстанціна Калеснікава — бас-гітара (з 2003 года, адначасова ўдзельнічаў у гуртах IQ48 і Пару рублей), Марыі «Жар» Лагодзіч — вакал, Паўла Яноўскага — гітара (таксама ў гурце Пару рублей), Вольгі Самусік — вакал (з 2007 года, таксама гурт Тарпач).
Рэпертуар гурта заснаваны на песнях Сяргея Скрыпнічэнкі. У сваіх тэкстах Сяргей Скрыпнічэнка распавядае гісторыю пра краіну са слаўным мінулым, шэрым і змрочным цяперашнім часам і няяснай будучыняй.[2]
žygimont VAZA выступалі на фестывалях «Басовішча» (2004, 2005, 2006, Польшча), «Be Free» (2008, Украіна) і іншых.[1]
Гурт запісаў 11 альбомаў. Дзесяты альбом — Distortion, стаў першым альбомам, які быў запісаны разам з Вольгай Самусік. Альбом увайшоў у топ-10 альбомаў 2007 года па версіі партала Experty.by.[3]
Апошні альбом — «Agromegapolis», выйшаў у 2014 годзе, праз шэсць гадоў пасля фактычнага спынення існавання калектыва.[2] Гурт разваліўся ў 2008 годзе, і пасля гэтага больш ніколі не збіраўся, не рэпетыраваў і не выступаў.[4]
Дыскаграфія правіць
Альбомы правіць
- Šyba 48 (1993)
- Stotis (1993)
- Stan halucynacyji (1994)
- Prezydent Collection (1994)
- Der Dritte Krieg (1996)
- Kambinat (1998)
- Caesar Maximilianus (2000)
- Contrabanda (1990, 2003)
- Kajin (2004)
- Distortion (2007)
- Agromegapolis (2014)
Удзел у складанках правіць
- Вольныя танцы: слухай сваё (1999) — «Alarm»
- Сэрца Эўропы in rock (2001) — «Nowe sytuacje»
- Hardcoreманія: чаду! (2002) — «Паліцэйскі sex»
- Генералы айчыннага року (2004) — «Казарма»
- Hard Life Heavy Music. Metallection III (2004) — «Contraбанда»
- Прэм’ер Тузін 2005 (2005) — «Лякарня»
- Budzma The Best Rock / Budzma The Best Rock/New (2009) — «Tvoj Son»
Удзельнікі правіць
- Сяргей «Скрыпа» Скрыпнічэнка: спеў, гітара
- Кастусь Калеснікаў: бас-гітара
- Павал Яноўскі: гітара
- Антон Мацулевіч: ударныя
Былыя ўдзельнікі правіць
Зноскі
- ↑ а б Энцыклапедыя беларускай папулярнай музыкі. Мінск. Выдавецтва: Зміцер Колас. 2008, 368 с. ISBN 978-985-6783-42-8.
- ↑ а б Аграмэгаполіс жыве, а žygimont VAZA — ужо не / Тузін Гітоў(недаступная спасылка). Архівавана з першакрыніцы 8 чэрвеня 2017. Праверана 1 сакавіка 2017.
- ↑ Žygimont Vaza "Distortion" (+аўдыё) / Experty.by
- ↑ ŽYGIMONT VAZA выдаў свой апошні альбом (АЎДЫЁПРЭМ’ЕРА) / Тузін Гітоў(недаступная спасылка). Архівавана з першакрыніцы 8 чэрвеня 2017. Праверана 1 сакавіка 2017.