Іван Барысавіч Непачаловіч

Іван Барысавіч Непачаловіч (15 студзеня 1922, вёска Арэхаўка, Старадарожскі раён — 1 лютага 1990) — ваенны лётчык. Герой Савецкага Саюза (1945).

Іван Барысавіч Непачаловіч
Дата нараджэння	15 студзеня 1922(1922-01-15)
Месца нараджэння	Арэхаўка, Новадарожская воласць[d], Бабруйскі павет, БССР
Дата смерці	1 лютага 1990(1990-02-01) (68 гадоў)
Месца смерці	Мінск, БССР, СССР
Месца пахавання	Мінкавічы
Альма-матар	Ваенна-паветраная інжынерная акадэмія імя М. Я. Жукоўскага[d]
Грамадзянства	СССР
Прыналежнасць	СССР
Гады службы	1941—1965
Званне	палкоўнік
Бітвы/войны	Вялікая Айчынная вайна
Узнагароды і званні

Біяграфія

У Чырвонай Арміі з 1941 года, са снежня 1943 года — лётчык-штурмавік на 3-м Украінскім фронце. Удзельнік вызвалення Украіны, Малдовы, Румыніі, Балгарыі, Югаславіі, Венгрыі. Зрабіў 179 баявых вылетаў. У 1945 годзе за высокае майстэрства, мужнасць, адвагу і гераізм, праяўленыя ў гады Вялікай Айчыннай вайны, прысвоена званне Героя Савецкага Саюза.

Узнагароджаны ордэнам Леніна, двума ордэнамі Чырвонага Сцяга, двума ордэнамі Айчыннай вайны 1-й ступені, ордэнам Чырвонай Зоркі, медалямі.

Пахаваны ў вёсцы Мінкавічы Старадарожскага раёна.

Літаратура

• Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11). — С. 288.
• Навечно в сердце народном. — Мн., 1984. — С. 375.

Спасылкі

• Іван Барысавіч Непачаловіч на сайце «Героі краіны»