Іван Фёдаравіч Харламаў

Іван Фёдаравіч Харламаў (30 чэрвеня 1920, в. Шарпілаўка, Гомельскі раён — 12 красавіка 2003) — беларускі вучоны ў галіне педагогікі. Акадэмік Нацыянальнай акадэміі навук Беларусі (1995), акадэмік Акадэміі педагагічных навук СССР (1990), доктар педагагічных навук (1973), прафесар (1974). Заслужаны дзеяч навукі БССР (1980). Удзельнік Вялікай Айчыннай вайны.

Іван Фёдаравіч Харламаў
Дата нараджэння	30 чэрвеня 1920(1920-06-30)
Месца нараджэння	Шарпілаўка, Гомельскі павет, Гомельская губерня, РСФСР
Дата смерці	12 красавіка 2003(2003-04-12) (82 гады)
Грамадзянства	СССР  Беларусь
Род дзейнасці	настаўнік
Месца працы	Гомельскі дзяржаўны ўніверсітэт імя Францыска Скарыны
Навуковая ступень	доктар педагагічных навук (1973)
Навуковае званне	прафесар (1974) акадэмік НАН Беларусі (1995)
Альма-матар	Школа № 2 імя В. М. Калеснікава Гомельскі педагагічны інстытут імя В. П. Чкалава (1952)
Прэміі
Узнагароды	Заслужаны дзеяч навукі Рэспублікі Беларусь (1980)

Біяграфія

Скончыў школу № 2 у г. Рагачоў, Гомельскі педагагічны інстытут (1952).

У 1939—1940, 1945—1955 гадах настаўнік, дырэктар школы, загадчык Лоеўскага раённага аддзела народнай адукацыі. У 1955—1969 гадах старшы выкладчык, дацэнт, прарэктар, загадчык кафедры Гомельскага педагагічнага інстытута. З 1969 года загадчык кафедры Гомельскага дзяржаўнага ўніверсітэта імя Францыска Скарыны.

Узнагароды і прэміі

Лаўрэат Дзяржаўнай прэміі Рэспублікі Беларусь у галіне навукі і тэхнікі (2000) — за працу «Падручнік „Педагогіка“ на беларускай мове для студэнтаў педагагічных вышэйшых навучальных устаноў».

Узнагароджаны ордэнамі Працоўнага Чырвонага Сцяга (1980), Айчыннай вайны II ступені (1985), медалямі.

Навуковая дзейнасць

Навуковыя працы па пытаннях дыдактыкі, тэорыі і методыкі выхавання.

Апублікаваў больш за 200 навуковых прац, у тым ліку 22 кнігі.

Бібліяграфія

• Основные вопросы организации воспитательной работы в школе. Мн., 1967.
• Активизация учения школьников. Мн., 1970.
• Теория нравственного воспитания. Мн., 1972.
• Вузовское обучение: проблемы активизации. Мн., 1989 (в соавт.).
• Нравственное воспитание школьников. М., 1983.
• Педагогика. 6-е изд. Минск: Універсітэцкае, 2000.

Спасылкі

• Іван Фёдаравіч Харламаў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)