Ілья Яфімавіч Прус
Ілья́ Яфі́мавіч Прус (29 снежня 1903, Баранавічы-Палескія, Мінская губерня — 12 чэрвеня 1972, Масква) — савецкі военачальнік, генерал-маёр інжынерных войск (1945).
Ілья Яфімавіч Прус | |
---|---|
Дата нараджэння | 29 снежня 1903 |
Месца нараджэння | |
Дата смерці | 12 чэрвеня 1972 (68 гадоў) |
Месца смерці | |
Альма-матар | |
Прыналежнасць |
РСФСР СССР |
Род войскаў | Інжынерныя войскі |
Гады службы | 1918—1968 |
Званне |
|
Камандаваў |
5-я сапёрная армія 7-я сапёрная армія |
Бітвы/войны |
Грамадзянская вайна ў Расіі Вялікая Айчынная вайна |
Узнагароды і званні |
Біяграфія правіць
Нарадзіўся ў сям’і рамесніка. Скончыў яўрэйскае вучылішча, працаваў служачым.
У красавіку 1918 года ўступіў у Чырвоную Армію. Удзельнік Грамадзянскай вайны (Заходні фронт, 1918—1920). Ваяваў супраць польскіх легіянераў, атрада Булак-Балаховіча і інш.
У 1921 годзе скончыў дывізіённыя курсы палітрукоў, служыў палітруком стралковага палка. У 1928 годзе скончыў ваенна-інжынерную школу, камандаваў сапёрнымі падраздзяленнямі. У 1934 годзе скончыў камандна-інжынерны факультэт Ваенна-інжынернай акадэміі. Дывізіённы інжынер. З красавіка 1938 года начальнік курсаў малодшых лейтэнантаў інжынерных войскаў Кіеўскай ваеннай акругі. З лістапада 1938 года — начальнік інжынераў Кіеўскага ўмацаванага раёна; кіраваў будаўніцтвам ўмацаванага раёна на заходняй мяжы, у Кіеўскай ваеннай акрузе. Ваенны інжынер 2 рангу. З красавіка 1940 года — памочнік начальніка ўпраўлення Рава-Рускага ваеннага будаўніцтва, з студзеня 1941 года — начальнік 82-га Упраўлення ваеннага будаўніцтва; арганізоўваў будаўніцтва ўмацаванняў пад Кіевам.
З пачаткам Вялікай Айчыннай вайны, з ліпеня 1941 года — начальнік 17-га армейскага ўпраўлення Ваенна-палявога будаўніцтва (Паўднёва-Заходні фронт), са снежня 1941 года — намеснік камандуючага 2-й сапёрнай арміяй. З студзеня па сакавік 1942 года — камандуючы 5-й сапёрнай арміяй. З сакавіка па чэрвень 1942 года — камандуючы 7-й сапёрнай арміяй, палкоўнік; армія ўзводзіла абарончыя збудаванні па рэках Аскол і Дон, абводы 2-й чаргі вакол Сталінграда (на Паўднёва-Заходнім і Сталінградскім франтах). У 1942—1944 гадах — намеснік камандуючага — начальнік інжынерных войскаў шэрагу армій (9-я армія Паўночна-Каўказскага фронту, 62-я армія). У 1945 г. — начальнік Упраўлення абарончых работ фронту, Рэзерву Вярхоўнага галоўнакамандавання.
11 ліпеня 1945 года прысвоена званне генерал-маёр інжынерных войскаў. У 1945—1946 гадах кіраваў будаўніцтвам мемарыяльных комплексаў у Берліне. З 1949 года займаў камандныя пасады (начальнік 25-га ўпраўлення інжынерных работ абарончага будаўніцтва Сухапутных войскаў; з красавіка 1950 года — начальнік 142-га інжынернага будаўнічага ўчастка; з лютага 1952 года — начальнік будаўнічага ўпраўлення Прыморскай, затым Далёкаўсходняй ваеннай акругі; з кастрычніка 1955 года — начальнік 27-га ўпраўлення інжынерных работ). З мая 1958 года — начальнік упраўлення прамысловых прадпрыемстваў Галоўнага Упраўлення аэрадромнага і спецыяльнага будаўніцтва МА СССР. З 1964 года камандаваў воінскімі часцямі Цэнтральнага ўпраўлення спецыяльнага будаўніцтва МА СССР. З чэрвеня 1966 года — Галоўны эканаміст Цэнтральнага ўпраўлення спецыяльнага будаўніцтва МА СССР.
У 1968 годзе выйшаў у адстаўку.
Узнагароды правіць
- чатыры ордэны Леніна
- чатыры ордэна Чырвонага Сцяга (у тым ліку за ўзорнае выкананне заданняў Урада па будаўніцтву ўмацаваных рубяжоў супраць нямецкіх захопнікаў — Указ Прэзідыума Вярхоўнага Савета СССР ад 21 лютага 1942 г.)
- два ордэна Айчыннай вайны 1-й ступені
- ордэн Айчыннай вайны 2-й ступені
- ордэн Працоўнага Чырвонага Сцяга
- ордэн Чырвонай Зоркі
- медаль «ХХ гадоў РСЧА»
- Медаль «За абарону Сталінграда»
- Медаль «За абарону Каўказа»
- медалі.
Літаратура правіць
- Военно-инженерная Краснознаменная академия имени В. В. Куйбышева : Краткий исторический очерк / Под общей ред. А. Д. Цирлина. — М.: ВИА, 1966.
- Маршалы инженерных войск / Под общей ред. В. П. Кузнецова. — М.: Мегаполис-Экспресс, 1997.
- Уманский Р. Г. На боевых рубежах. — М.: Воениздат, 1960.
- Школа военных инженеров / Под ред. В. В. Жигайло. — М.: Воениздат, 1980.
Спасылкі правіць
- Прусс Илья Ефимович . Война : Великая Отечественная война в контексте Второй мировой. Архівавана з першакрыніцы 1 лістапада 2012. Праверана 25 верасня 2012.
- Прусс Илья Ефимович — артыкул з Расійскай яўрэйскай энцыклапедыі
- Брюховецкий Р. И.. Прусс Илья Ефимович . Alma Mater Инженерных Войск (15 студзеня 2010). Архівавана з першакрыніцы 1 лістапада 2012. Праверана 25 верасня 2012.