Абель Агілар

Абель Энрыке Агілар Тапіяс (ісп.: Abel Enrique Aguilar Tapias; нар. 6 студзеня 1985, Багата, Калумбія) — калумбійскі футбаліст, паўабаронца клуба «Уніён Магдалена» і нацыянальнай зборнай Калумбіі.

Абель Агілар
Агульная інфармацыя
Поўнае імя	Абель Энрыке Агілар Тапіяс
Мянушка	Абелар
Нарадзіўся	6 студзеня 1985(1985-01-06)[…] (39 гадоў) Багата, Кундзінамарка[d], Калумбія
Грамадзянства	Калумбія
Рост	186 см
Вага	82 кг
Пазіцыя	паўабаронца
Інфармацыя пра клуб
Клуб	Уніён Магдалена
Нумар	14
Клубная кар’ера
2002—2005 Дэпартыва (Калі) 102 (3) 2005—2010 Удзінезэ 2 (0) 2005 →  Асколі 0 (0) 2007—2008 →  Херэс 48 (3) 2008—2009 →  Эркулес 34 (9) 2009—2010 →  Сарагоса 27 (4) 2010—2013 Эркулес 73 (4) 2012—2013 →  Дэпартыва (Ла-Карунья) 28 (3) 2013—2016 Тулуза 49 (1) 2015—2016 →  Тулуза B 3 (0) 2016 Белененсіш 9 (1) 2016—2018 Дэпартыва (Калі) 55 (1) 2018 Далас 4 (0) 2019— Уніён Магдалена 18 (1)
Нацыянальная зборная
2005—2006 Калумбія (да 20 гадоў) 11 (1) 2004— Калумбія 71 (7)
Медыяфайлы на Вікісховішчы

Кар’ера

Клубная

Агілар з’яўляецца выхаванцам футбольнай акадэміі «Дэпартыва» з горада Калі. У асноўным складзе клубу ён дэбютаваў у 2002 годзе. У 2005 годзе ў складзе «Дэпартыва» Абель стаў чэмпіёнам Калумбіі. У тым жа годзе ён перайшоў у італьянскі «Удзінезэ» і быў адразу ж аддадзены ў арэнду ў клуб Серыі B «Асколі» з-за празмернай колькасці ў клубе легіянераў, аднак з-за праблем з афармленнем дакументаў у «Асколі» знаходзіўся ўсяго месяц, не паспеўшы дэбютаваць за клуб.

Ва «Удзінезэ» Абель не здолеў зачапіцца за асноўны склад, што прывяло да сталага знаходжання ў розных клубах у арэндзе. Пасля сканчэння кантракту з «Удзінезэ», ігрок падпісаў сталы кантракт з «Эркулесам». Улетку 2012 года ён перайшоў у «Дэпартыва» з Ла-Каруньі, і ўжо 20 жніўня ў матчы супраць «Асасуны» дэбютаваў за новую каманду.

З 2013 года з’яўляўся іграком французскай «Тулузы». У сезоне 2015/16 з-за траўмы страціў месца ў складзе, і ў канцы трансфернага акна ў студзені 2016 года перайшоў у партугальскі клуб «Белененсіш». 12 чэрвеня 2016 года вярнуўся ў Калумбію, падпісаўшы трохгадовы кантракт з «Дэпартыва».

У жніўні 2018 года перайшоў у клуб «Далас» з амерыканскай МЛС. У пачатку 2019 года зноў апынуўся ў Калумбіі, папоўніўшы склад клуба «Уніён Магдалена», дзе стаў капітанам.

Міжнародная

Агілар прымаў удзел у гульнях моладзевай зборнай Калумбіі. А ў 2004 годзе быў уключаны ў заяўку зборнай Калумбіі на ўдзел у Кубку Амерыкі ў Перу. На турніры Абель забіў два галы: у матчы групавога этапу супраць гаспадароў першынства і 1/4 фіналу супраць зборнай Коста-Рыкі.

Дасягненні

Дэпартыва:

• Чэмпіён Калумбіі: 2005