Аберацыйнае дэкадаванне

Аберацыйнае дэкадаванне — панятак, які быў уведзены італьянскім пісьменнікам, культуролагам Умберта Эка для абазначэння выпадку, калі паведамленне, што было закадавана з дапамогай адной сістэмы кадавання, пазней дэкадуецца ў адпаведнасці з іншай сістэмай. Панятак звязаны са словам «аберацыя» (лац. aberare - адхіляцца), што азначае адхіленне ад нормы, ісціны. Адно і тое ж паведамленне, перададзенае праз радыё, тэлебачанне або інтэрнэт, па-рознаму ўспрымаецца прадстаўнікамі розных культур і субкультур.

Літаратура

• Аберацыйнае дэкадаванне // Культуралогія: Энцыкл. даведнік Уклад. Э. Дубянецкі. — Мн.: БелЭн, 2003. ISBN 985-11-0277-6