Альба (Італія)

Альба (італ.: Alba) — галоўны горад вобласці Ланге на мяжы Лігурыі і П’емонта, уздоўж ракі Танара, у італьянскай правінцыі Кунеа. Наваколлі славяцца сваімі персікамі, белымі труфелямі і сухім віном.

Горад Альба Alba Герб Краіна Італія Правінцыя правінцыя Кунеа Каардынаты 44°42′03″ пн. ш. 8°02′07″ у. д. Плошча 54 км² Вышыня цэнтра 172 м Афіцыйная мова італьянская Насельніцтва 29 759 чалавек Шчыльнасць 551 чал./км² Этнахаронім albesi Часавы пояс UTC+1, летам UTC+2 Тэлефонны код 00173 Паштовы індэкс 12051 Аўтамабільны код CN Код ISTAT 04003 Афіцыйны сайт comune.alba.cn.it (італ.) Альба на карце Італіі

Медыяфайлы на Вікісховішчы

Насельніцтва складае 29 759 чалавек, шчыльнасць насельніцтва складае 551 чал./км². Займае плошчу 54 км². Паштовы індэкс — 12051. Тэлефонны код — 00173. Заступнікам горада лічыцца святы Лаўрэнцій. Свята горада штогод святкуецца 10 жніўня.

Гісторыя

Заснаванне паселішча Альба-Пампея (Alba Pompeia) на дарозе з Акві-Тэрмэ ў Турын прыпісваецца консулу Пампею Страбону. У гэтым горадзе нарадзіўся адзін з рымскіх імператараў, Перцінакс. З IV стагоддзя ў Альбе меўся свой біскуп пад начальствам архібіскупа Міланскага. З XI стагоддзя — свабодная камуна Ламбардскай лігі, у пазнейшыя часы — яблык разладу паміж манферацкімі Алерамічы, міланскімі Вісконці і домам Ганзага. Па выніках вайны за мантуанскую спадчыну (1631) адышоў да Савойскага дома, пасля чаго страціў былое значэнне.

Славутасці

Помнікі даўніны — раманскі сабор св. Лаўрэнція (дабудаваны ў 1486 годзе, рэканструяваны ў XIX стагоддзі), гатычная царква св. Дамініка, сярэдневяковы біскупскі палац, прысутныя месцы XIII стагоддзя, а таксама некаторыя вежы XIV—XV стст.

У саборнай царкве		Краявід горада		П'яцца Рысарджымента