Аляксандр Дажбог Сапега

Аляксандр Дажбог Сапега (Аляксандр Багдан, Аляксандр Тэадат) (1585 — студзень 1635) — дзяржаўны і ваенны дзеяч Вялікага Княства Літоўскага.

Аляксандр Дажбог Сапега
Ліс
8-ы кашталян віцебскі кастрычнік 1613 — 1615
Папярэднік	Міхал Друцкі-Сакалінскі
Пераемнік	Мікалай Вольскі
чашнік вялікі літоўскі 25 лютага 1631 — 1632
Папярэднік	Ян Галоўчынскі
Пераемнік	Крыштаф Кішка
Нараджэнне	1585[…]
Смерць	не раней за 15 студзеня 1635 Астроўна, Віцебскі павет, Віцебскае ваяводства, Вялікае Княства Літоўскае, Рэч Паспалітая
Месца пахавання	Астроўна
Род	Сапегі
Бацька	Рыгор Іванавіч Сапега
Маці	Соф’я са Стравінскіх[d]
Жонка	каля Альжбета з Хадкевічаў[d]
Дзеці	Ганна з Сапегаў[d] і Крысціна Канстанцыя з Сапегаў[d]
Веравызнанне	кальвінізм
Званне	ротмістр
Медыяфайлы на Вікісховішчы

Біяграфія

Вучыўся ў езуіцкім калегіўме ў Брунсбергу (Браневе). Падкаморы віцебскі з 1606, староста аршанскі з 1610, кашталян віцебскі ў 1613—1615 (адмовіўся ад пасады), староста прапойскі і чачэрскі з 1622, крычаўскі (да 1631), чашнік ВКЛ у 1631—1632. Удзельнічаў у баях за Смаленск у час вайны Рэчы Паспалітай з Расіяй 1609—1618.

У 1621 браў удзел у Хоцінскай бітве, дзе пасля смерці гетмана Яна Кароля Хадкевіча прыняў камандаванне літоўскім войскам.

У 1627 удзельнічаў у вайне са Швецыяй за Інфлянты.

У 1631 атрымаў пасаду вялікага літоўскага чашніка, але хутка адмовіўся ад яе з-за дрэннага стану здароўя.

Заснаваў касцёл і кляштар дамініканцаў у Астроўне (Віцебскае ваяводства).

Сям’я

Паходзіў з чарэйскай лініі магнацкага роду Сапегаў, сын Рыгора і Соф’і Стравінскай, пляменнік вялікага літоўскага канцлера Льва Сапегі.

Меў брата Крыштафа Стэфана.

Ажаніўся ў 1613 годзе з Альжбетай Хадкевіч (памерла пасля 1630), дачкой віленскага кашталяна Гераніма Хадкевіча. Меў з ёй дзяцей:

• Ганну, якая выйшла за вялікага літоўскага пісара Станіслава Нарушэвіча;
• Крысціну Канстанцыю (памерла да 1650), жонку вялікага літоўскага падстолія Яна Самуэля Паца.

Спасылкі

• Генеалогія магнацкіх радоў Рэчы Паспалітай Архівавана 21 верасня 2013.